افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین امیرلیک نینگ یوقاری مرتبه لی بیر هیاتی باشچیلیگیده چین – جنوبی آسیا توقیزینچی کورگزمه و فورم ده اشتراک قیلیش مقصدیده چین گه باردی.
چین دولتی نینگ رسمی دعوتی اساسیده او مملکت گه بارگن اسلام امیرلیگی یوقاری مرتبه لی هیاتی ترکیبیگه صنعت و تجارت وزیرلیگی سرپرستی حرمتلی الحاج نورالدین عزیزی و تشقی ایشلر وزیرلیگی نینگ مالی و اداری معینی حرمتلی داکتر محمد نعیم وردک شامل دیر.
ریاست الوزراء اداری اورین باسری حرمتلی مولوی عبدالسلام حنفی بو سفر جریانیده چین – جنوبی آسیا توقیزینچی کورگزمه سی و فورم ده اشتراک قیلیب نطق سوزلشی یانیده چینن خلقی جمهوریتی رسمیلری بیلن اوچره شیب هر ایکی مملکت نینگ تورلی بولیملرده علاقه سی کینگه یشی خصوصیده گپیریب فکر المشتیریشی هم کوتیله دی.#
