افغانستان اسلام امیرلیگی نینگ ریاست الوزراء عمومي باشلیغی حرمتلی داکتر ملا عبدالواسع بوگون توشدن آلدین دیني مدرسه‌لر و مکتبلر نینگ ۱۴۰۴-ییلگی کانکور امتحانیده ایلغار ا‌ورینلرنی ایگلله‌گن بیش- بیش‌ته‌سی بیلن ارگده اوچره‌شدی.
اوچره‌شوو اوّلیده حرمتلی داکتر ملا عبدالواسع اولرنی تبریکلب، خوش کېلیبسیز ایتیب: «اقتدار و یاشلیک الله تعالی نینگ اولوغ نعمتیدیر. بو نعمتدن فایده‌لنگن حالده اسلام دینیگه، خلقیمیزگه خدمت قیلینگ و وطن نامینی پارله‌تینگ دیدی.
او، شونینگدیک، تأکیدله‌دی تاشلرگه دیني و زمانه‌وي بیلیم آلیش اوچون امکانیتلر یره‌تیش اسلام امیرلیگی نینگ مهم اوستوار یونه‌لیشلریدن بیریدیر. سیزلرنی بو ییرگه تکلیف قیلیشیمیز هم عیناً شو وعده‌میزگه صادقلیگیمیز نینگ بېلگیسیدیر. بوگونگی کونده افغانستانده علمالر باشچیلیگیده‌گی تیزیم حکمران بولیب، علمگه علیحده اعتبار قره‌تماقده.
حرمتلی داکتر عبدالواسع برچه کانکور اشتراکچیلری و موفقیتلی بولگن یاشلرگه مراجعت قیلیب دیدی «الله(ج) گه شکر قیلینگ، نیتینگیز مال-دنیا بولمسین، بلکه الله(ج) و اونینگ بنده‌سی نینگ راضیلیگی بولسین. انشاالله حیاتینگیز مابینیده موفقیت سیزگه نصیب ایته‌دی.
سونگره، باش وزیرلیک اداره‌سی نینگ سیاسي و جماعت ایشلری بوییچه باشلیغی حرمتلی شیخ محمود ذاکري بو یاشلرگه نصیحت قیلیب دېدی: کبردن سقلنینگ، یاشلیک، حرمت و اقتدارینگیزنی اسره‌نگ و بو نعمتلرنی الله ج دینی و وطن نامینی یاریتیش یولیده ابنگ یخشی طرزده ایشله‌تینگ.
او ینه شونده‌ی دیدی سیزلر افغانستان مقیاسیده اوقیش امکانیگه ایگه بولگن بختلی یاشلردنسیز. ایندی خلق سیزگه امید باغلگن. اولر نینگ آرزو-امیدلرینی رویابگه چیقریشگه حرکت قیلینگ.
تدبیر یکونیده ۱۴۰۴-ییلگی عمومي کنکار امتحانی اشتراکچیلری اسلام امیرلیگی رهبریتی نینگ رغبتلری و ساغلام رقابت محیطی یره‌تگنی اوچون منّتدارچیلیک بیلدیردیلر همده علم-فنگه بی یله‌یاتگن بو اعتبار نینگ دوام ایتیشیگه امید بیلدیردیلر.#
