افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند، بو گون اوز ایشخانه‌سیده بیر گروه ایچکی سرمایه‌دارلر بیلن اوچره‌شوو اوتکزدی.
اوچره‌شوو دوامیده سرمایه‌دارلر حاجی‌گگ تیمیر کانی نینگ بیر بلاکینی قیدیریش و قزیب آلیش اوچون اوچ باسقیچده توپلم ۶۵۰ میلیون دالر سرمایه کیریتیشگه تیار ایکنلیکلرینی بیلدیریشدی.
سرمایه‌دارلر نینگ بیرگن معلوماتلریگه کوره، اولر خارجي بیر کمپنی بیلن همکارلیکده قزیب آلیش ایشلرینی مسلکی طرزده عملگه آشیریشه‌دی و ایلغار تکنالوژیلردن فایده‌لنگن حالده خلق‌ارا ستندردلرگه ماس ماده‌للرنی قه‌یته ایشلش فابریکه‌سی مملکت ایچیده قوریشه‌دی.
مذکور فابریکه هر کونی ۹۰۰۰ تُن تېمیر نی قه‌یته ایشلب، اونی قویمه حالتیگه کیلتیره اله‌دی. بو ایسه ۶۰۰۰ نفر یورتداشیمیز اوچون توغریدن - توغیری ایش اورنی یره‌ته‌دی وه ممللکت نینگ تیمیرگه بولگن احتياجینی تولیق تامینله‌یدی.
ریاست الوزراء اقتصادی اورین باسری سرمایه‌دارلر نینگ تیمیر قیدیریش و قزیب آلیشگه بولگن قیزیقیشلرینی آلقیشلب، اسلام امیرلیگی بو ساحه‌ده تولیق همکارلیک و هر تامانله‌مه قوللب-قوووه‌تلشینی بیلدیردی.
حرمتلی ملا جنابلری کان و پترولیم وزیرلیگی مسووللریگه مذکور سرمایه‌دارلر بیلن همکارلیکده ایش آلیب باریش و کوریلگن چاره-تدبیرلر حقیده گزارش تقدیم ایتیش تاپشیریغینی بیردی.#
