افغانستان اسلامی امارت ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین نجات (آی آر سی) خلق ارا کمیته سی نینگ معاونی خانم میدلن سیدلر و یولداش هیاتی بیلن اوچره شدی.
ارگ ده بولیب اوتگن بو اوچره شووده، بیرینچیدن حرمتلی مولوی عبدالسلام حنفی اولرنی خوش کیلیب سیزلر دیب، سونگگی اوروشلر جریانیده زیان کورگن افغان عیاللری وضعینینی یقیندن کوریشلرینگیزنی امید قیله من دیدی. اولرنینگ قیینچیلیکلری حل بولیشی همده اوتمیشده گی اوروش تاثیری کمیه ییشی اوچون بیرگه لیک ده سعی وحرک قیله یلیک دیدی حنفی جنابلری.
اونینگ سوزلریگه کوره، مملکت بویلب بیش میلیون افغان مخدرماده لرگه بیریلگن و اولرنینگ بیر میلیونی خاتینلر و باله لر تشکیل ایته دی. دنیا جماعه چیلیگی معیشت بدیل خصوصیده بیزلرنینگ دهقانلریمیزگه یاردم کورستگن حالده، بیزلر مخدرماده نینگ آلدینی آلیشگه قطعی میز دیدی. آی آر سی نیچه اون ییللردن بیری معارف، ساغلیق و انسان پرورلیک بولیملریده خذمت کورسه تیب کیله دی و بیزلر ایسه بو همکارلیکلر دوام ایتیشینی ایسته یمیز دیدی حنفی جنابلری.
حرمتلی مولوی عبدالسلام حنفی جنابلری، قیزلر و ایرککلر نینگ تعلیم ساحه سیده کوزگه کورینرلی آلغه سیلجیشلر یوز بیرگن، بیلیم یورتلر آچیلگن و مکتبلر قیته دن آچیلقماده دیر. شونینگ دیک عیاللر ساغلیق، معارف و پاسپورت اداره لریگه اوز وظیفه لریگه قیتگنلر دیدی او.
نجات (آی آر سی) خلق ارا کمیته سی معاونی خانم میلدن سیدلر مذکور اداره نینگ کورستگن خذمتلریگه اشاره قیلب، بیزلر افغانستانلیک خاتینلر همده باله لر یانیده تورگن میز دیدی. اوتگن کون کابل و لوگر ولایتیده گی شفاخانه لر وضعیتینی یقیندن کوزه تدیک بو شفاخانه لر کوپراق توجه گه ضرورتی بار و بیزلر افغانستانده گی فعالیتیمیزگه دوام بیره میز.
بو اوچره شووده افغانستانده آی ار سی مسوولی خانم ویکی اکن حاضر بیزلرنینگ افغانستانده گی خادملریمیزنی عمومی سانی اوچ یریم مینگگه ییته دی و بشری فعالیتلریمیز کینگه ییشی اوچون بولرنینگ سانینی بیش مینگگه آشیره میز. محروم منطقه لرده ساغلیق خذمتلرینی کورسه تیش بیزلر اوچون اولویت حسابلنه دی.
افغانستانده آی آر سی معاونی زهرا وردک نینگ سوزولریگه کوره، بیزلر تعلیم، ساغلیق، عیاللر و باله لر یانیده خاتین – قیزلر اوزینی اوزی مالی حمایت قیله آلیشی توغریسیده هم ایشله یمیز. حکومت تورلی اداره لری رسمیلری نینگ حمایتی بیزلرنینگ آرزولریمیزنی کوپ قیلدی و بیزلر بو ایجابی قدملرنی باشقه خلق ارا اداره لر بیلن هم شریک قیله میز.
افغانستانده آی آرسی مسوولی خانیم ویکی اکن مذکور نهادنینگ بشری فعالیتلری باره سیده معلومات بیریشدن علاوه، خاتین – قیزلر خصوصی سکتور و باشقه اداره لرده فعالیت قیله یاتگنیدن جوده خورسند من و فعالیتلر یخشی صورتده بجریلیشی اوچون اوز پیشنهادلرینی هم بیلدیردی.
اوچره شوونینگ سونگگیده حرمتلی مولوی عبدالسلام حنفی اسلامی امارت خاتین – قیزلرنینگ حقوقیدن حمایت ایته دی و عالیقدر امیر المومنین نینگ فرمانیده عیاللرنینگ اورنی، ارزشی و آچیق روشده حمایت قیلینگن دیر. هر بیر افغان نینگ شرف، عزت و وقاری سقله نیشی و مملکت ده تینچ فضاده حیات کیچیریشی بیزلرنینگ پالیسی میز دیر. اونینگ سوزلریگه کوره، برنامه لرینگیزنی حمایت قیلیش و سیزلرگه لازم سهولتلر یره‌تیلیشی اوچون تیگلیشی اداره لر مسووللریگه لازم بویروق تاپشیریله دی.
