نمونه‌وی شفاخانه ایشلرینی ایلگری آلیب باریش بوییچه تعین بولگن هیات جلسه‌سی بوگون توشدن آلدین افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی باشچیلیگی، ساغلیقنی سقلش وزیرلیگی سرپرستی حرمتلی مولوی نور جلال جلالی، هیات و کمیته اعضالری حضوریده بولیب اوتدی.
اوشبو جلسه ده دستلب متخصصلر کمیته‌سی تاپشیریلگن ایشلر باره سیده گی اجراتلری، مذکور شفاخانه نینگ قوریلیش ایشی جریانی، اوسکونه لرنی تیارلب اورنه تیش، جهازلر و ضرور بولگن طبی ماشینلر، لیاقت و شایسته لیک اساسیده متخصص و مسلکی داکترلر همده خادملرنی استخدام قیلیش پروسه‌سی حقیده معلومات بیردیلر.
کیینچه‌لیک داکترلر قابلیتینی آشیریش برنامه‌لرینی یولگه تشلش، چیت ایلده‌گی افغان داکتر و متخصصلرینی چقیریش، اداری همده خدماتی خادملرنی استخدام ایتیش و اوشبو شفاخانه گه ضرورت بوله جک طبی جهاز و اوسکونه‌لرنی ساتیب آلیب تیارلش اوستیده هر تامانلمه بحث قیلیب بو توغریده لازم تصمیم آلیندی.#
