افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی شهر قوریش و اوی جای وزیرلیگی نینگ سرپرستی حرمتلی مولوی حمدالله نعمامی آرقلی همراه لیک قینلر ایدی بوگون توشدن سونگ قندهارده دامان مهاجرلر شهرچه سی نینگ ایکینچی فازینی بیر مراسم آرقلی آچیب بیردی.
شو مناسبت بیلن اویوشتیریلگن مراسم ده قندهار ولایتی والیسی حرمتلی مولوی محمد صادق انقلابی، محلی مسووللر، عالملر و ولایت نینگ بیر قنچه یشاوچیلری اشتراک قیلگن ایدیلر حرمتلی مولوی عبدالسلام حنفی اوزی نینگ سوزلریده اسلامی نظام و حاضرگی امنیت مینگلب عالم، قرآن حافظلری، یاشلر و مملکت صادق فرزندلری قربانلیگی حاصلی دیر و بو الله تعالی نینگ ییریک نعمت اوچون هر تامانلمه شکرگزارلیک کیره ک دیدی.
ریاست الوزراء اداری اورین باسری مهاجرلر قیینچیلیگینی تیرگش و اولرگه دایمی یشش اویلر یره تیش اسلام امیرلیگی ایشلری نینگ اولویتیده تورگن دیب قوشیمچه قیلدی.
حرمتلی مولوی عبدالسلام حفنی، شونینگدیک او قندهارگه سفریدن مقصد شهرچه بیرینچی فازی اجرایی جریانینی نظارت قیلیش و ایکینچی فازینی آچیب بیریش دیدی.
بیریلگن معلوماتلرگه کوره، اوشبو شهرچه ۱۵۱۰ جریب ییرده شهری پلان اساسیده قوریله دی مهاجرلر احتیاجلرینی برطرف قیله دیگن بیرینچی قولیلیکلر شامل دیر. هنوزگچه شهرچه بیرینچی فازیده کیریش دروازه، ۶ ته سوو ییتکزیش سیستم، ۶ ته وضوخانه و ۴ کیلو متر یول یرم اساسی شکلده احداث بولگن ایکینچی فاز آچیلیشی بیلن مستحق مهاجرلرگه ییر ترقه تیش جریانی رسما باشلندی.#
