افغانستان اسلامي امیرلیگی ریاست الوزراء اداری اورین باسری حرمتلی مولوی عبدالسلام حنفي حرمتلی شیخ دوکتور محمد بن عبدالکریم العیسي اسلامي همجهتلیک تشکیلاتی (رابطه العالم الاسلامی) باشلیغی بیلن اونینگ باشچیلیگیده‌گی یوقاری مرتبه‌لی هیئت بیلن کابل گه تشریف بویورگن پیتده، اوچره‌شدی.
اوچره‌شوو ارگ سراییده توشلیک ضیافتی دایره‌سیده بولیب اوتدی. ریاست الوزراء عمومی دفتری باشلیغی حرمتلی داکتر ملا عبدالواسع و تشقی ایشلر وزیری نینگ اورین باسری هم اشتراک ایتدیلر.
ریاست الوزراء اداری اورین باسری حرمتلی مولوی عبدالسلام حنفي اسلام امیرلیگی نامیدن محترم شیخ دوکتور محمد بن عبدالکریم العیسي و او باشچیلیگیده‌گی هیئتنی صمیمي قوتلب، اولرنینگ افغانستانگه تشریفی افغان خلقی و اسلام امیرلیگی اوچون قووانچ و شرَف منبعی ایکنینی تأکیدله‌دی.
شونینگدیک، او اسلام امیرلیگی تامانیدن تورلی ساحه‌لرده ایریشیلگن یوتوقلر – بوتون مملکت بویلب خوفسیزلیکنی تأمینلش، اداری فساد‌گه برهم بیریش، زورآورلیک و بې‌ترتیبلیکنی توگه‌تیش، عالیقدر امیرالمومنین حفظه الله تعالی تامانیدن اعلان قیلینگن عمومي عفو گیاهوند مادّه‌لرنی ییتیشتیریش، ایشلب چیقریش و قاچاق ایتیشنی برهم بیریش، ییتیم باله‌لرگه حاميلیک قیلیش، مخدر ماده گه بیریلگنلرنی توپلنیب، دوالنه‌یاتگنینی و رواجلنتیریش لایحه‌لری عملگه آشیریله‌یاتگنی حقیده به تفصیل گپیردی.
او تأکیدله‌دی، اسلام امیرلیگی قطعیت بیلن اوز حدودیدن باشقه دولتلرگه تهدید سالیشگه اورینگن هر قنده‌ی کوچگه قرشی توره‌دی و برچه دولتلر، خصوصاً اسلام دنیاسی بیلن اوز ارا حرمت، دوستانه مناسبتلر و ایچکی ایشلریگه اره‌لشمسلیک اساسیده علاقه‌لرنی دوام ایتتیریشگه اینتیله‌دی.
شونینگدیک، محترم حنفی افغانستان مهاجرلری نینگ قوشنی مملکتلردن مجبور‌ن چیقریلیشی و بو جریان نینگ اسلام امیرلیگی تامانیدن ثمره‌لی باشقریله‌یاتگنیگه توخته‌لیب اوتدی. او ایچکی و خلق ارا انسانپرورلیک تشکیلاتلرینی اوز انساني و اخلاقي مسوولیتلرینی ینه‌ده جدّي بجریشگه دعوت ایتدی.
او، شونینگدیک، شونده‌ی دیدی: اسلام امیرلیگی خوارجلر و فتنه‌چیلر ایلدیزینی مملکتدن بوتونله‌ی سوغوریب تشله‌دی و اولرنینگ بوزغونچی غایه‌لری و حرکتلریگه خوفسیزلیک و مفکوروي نقطه‌ی نظردن قرشی کوره‌شدی. اولر نینگ یشیرین جایلری بوتونله‌ی یوق قیلیندی.
حرمتلی حنفی جنابلری اوزی نینگ نطقی نینگ یکونیده دیدی: اسلامي همجهتلیک تشکیلاتی - بو اسلامي و خلق ارا مقیاسده‌گی ایلغار مؤسسه بولیب، دولتلر و خلقلر اورته‌سیده‌گی دوستلیک و ثمره‌لی همکارلیکنی مستحکملش یولیده حرکت قیله‌دی. او تشکیلاتنی افغانستان خلقی نینگ حاضرگی نازک پلّه‌ده‌گی احوالیده یانیده توریشگه چقیردی.
سونگ محترم شیخ دوکتور محمد بن عبدالکریم العیسي نطق سوزله‌دی. او شونده‌ی، اسلامي همجهتلیک تشکیلاتی بوتون امت نینگ درد-او آرزولرینی عکس ایتتیره‌دی و اونینگ سایه‌سیده تورلی مذهبده‌گی اسلام علمالری جمع بولگن دیدی.
او افغانستانگه تشریفی و اسلام امیرلیگی رسميلری بیلن اوچر‌شوودن ممنونلیگینی بیلدیریب، بیز نینگ تشکیلاتیمیز نینگ وظیفه‌سی مسلمان برادرلریمیزگه یاردم قولینی چوزیش دیر. سیز بیزدن دیرسیز، بیز سیزدن دیرمیز دیب تیلگه آلدی.
اونینگ قوشیمچه قیلیشیچهُ اوتگن رمضان آییده «اسلامي مذهبلر اورته‌سیده علاقه کوپریکلری یره‌تیش» موضوعسیده‌گی کنفراسده اسلام امیرلیگی نماینده لری نینگ اشتراکی و اولر تامانیدن قیلینگن نطق گواهی بولگن میز.
حرمتلی دوکتور شیخ العیسي ، بو تشکیلات اوز ایچیده عالي کینگش و بوتون جهان فقه مجلسیگه ایگه بولیب، او اسلام تاریخیده‌گی اینگ قدیمي فقه مجلسلردن بیری دیر ایکینی بیلدیردی.
او اوزی نینگ نطقی نینگ یکونیده، اسلام همجهتلیک تشکیلاتی اوزی نینگ اسلام امیرلیگی بیلن بولگن علاقه‌لرینی دوام ایتتیره‌دی و او اسلام امیرلیگی رهبریتی اوچون الله تعالیدن برکه و موفقیتلر سوردی.
