عالی استندرد کینگشی نینگ تورتینچی فوق العاده جلسه سی افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچیلیگیده مرمرین قصریده بولیب اوتدی.
ریاست الوزراء اقتصادی اورین باسری حرمتلی ملا عبدالغنی برادر آخندنینگ ایتیشیچه، اوشبو فوق العاده جلسه امیرالمؤمنین شیخ صاحب حکمی اساسیده اوتکزیلگن دیر که دیدی: «استندرد ملی اداره سی صفت سیز تیل آلیب کیلیش نینگ آلدینی آلیش هیات مشترک شکلده اون کون ایچیده افغانستانگه تیل کیلتیریش ینگی نورمنی ترتیب و مین گه یوبارسینلر.»
ریاست الوزراء اقتصادی اورین باسری نینگ قوشیمچه قیلیشیچه، اسلام امیرلیگی مملکت ده اقتصادی ثبات نی تامینلش و وطنداشلر سلامتلیگینی سقلش مقصدیده صفت سیز آلیب کیلینه دیگن نرسه لرنینگ آلدینی آلیش اوچون ثمره لی قدملر تشله گن دیر.
بو تلاشلر فقط گینه ایچکی بازار صفتی کوتریلیشیگه سبب بولمه ی، بلکه مصرف قیلوچیلرنینگ ایشانچ هم کوچه یتیریله دی.
شونینگدیک صفت ارزشی معیاریگه اشاره قیلگن حرمتلی ملا عبدالغنی برادر آخند، اقتصادی ثباتگه ایریشیش و افغانستان اوزینی اوزی حمایت قیله آلیشی اوچون معیار و صفت اساسی ارزش لردن حسابلنه دی دیدی.
معیاریلشتیریش فقط گینه صنعت، تجارت، ایکینچیلیک و ایشلب چقیاریش صفتینی تضمین قیلمه ی، بلکه صادرات کوپه یشی، مصرف قیلوچیلر حقوقی حفاظت بولیشی و دنیا بازارلریگه ایریشیش اوچون حیاتی بیر احیتاج دیر.
ریاست الوزراء اقتصادی اورین باسری نینگ ایتیشیچه، افغانستان اسلام امیرلیگی استندرد عالی کینگشی ارقلی مملکت بویلیب بو توغریده منتظم معیارلر پالیسینی تیارله گن و بیر شفاف همده ایشانچلی و هماهنگ سیستم وجودگه کیلتیرگن تا که اولکه ده گی برچه سکتورلر اونده فایده لنسه لر.
ریاست الوزراء اقتصادی اورین باسری حرمتلی ملا عبدالغنی برادر آخند استندرنی تطبیق ایتیش کمیته لریگه استندرد عالی کینگشی آرقلی تصدیقلنگن استندردلر همده و سینلگن روشلرنی درست شکل ده عملگه آشیرش نی توصیه قیلدی.
شونینگدیک خصوصی سکتورگه هم اوزلری نینگ ایشلب چیقاریش همده وارداتلریده استندرد عالی کینگشی آرقلی تصدیق بولگن معیار همده استندردلرگه جدی توجه قیلیشلری همده اوز قیلمیشلری گزارشینی ریاست الوزراء اقتصادی اورین باسرلیگی بیلن شریک قیلشلرینی سوره دی.
استندرد عالی کینگشی نینگ بوگونکه فوق العاده جلسه سیده آلتی استندرد و ۵۱ ته سیناو روشی تصیدقلندی.
مذکور استندردلر دیزیل، پترول، سویق گاز و کاندنستات پایدار گازگه تیگیشلی بولیب بونینگ تصدیقله نیشی نفتی مواد صفتی یوقاری کیتیشی اوچون مهم قدم حسابلنه دی.#
