افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ خصوصی سکتور آرقلی قیتیب کیلگن مهاجرلر اوچون ایش زمینه سینی یره تیش مناسبتی بیلن اوتکزیلگن کنفرانس ده اشتراک قیلیب نطق سوزله دی.
ریاست الوزراء اداری اورین باسری اوشبو کنفرانس ده ایتیشیچه، ایش جایلرینی یره تیش برچه اولکه داشلر اینیقسه قوشنی مملکتلردن سونگی وقتلردن جبری چیقاریلگن مهاجرلر اوچون جوده مهم دیر و لازم دیرکه بو توغریده جدی توجه بولسه تا قیله آلسک مهاجرلر مساله سینی ایزگو بیر شکلده حل قیلسک.
ایش واجتماعی ایشلر وزیرلیگی آرقلی بیلیم یورتی استادلری و متخصص شخصلر حضوریده بولیب اوتگن ملی کنفرانس گه اشاره قیلیب حرمتلی مولوی عبدالسلام حنفی جنابلری: مهاجرلر ایش جایلری بیلن تامینله نیشی خصوصیده ایچکری همده تشقریده گی تاجرلر و خبیر کیشیلر آرقلی هر قندی بیر طرح نی بیز خوش قرشیله یمیز و بو نظریه لردن فایده له نیب بو موضوع اوچون ییچیم یول تاپیش گه فایده لنه میز دیدی.
شونینگدیک ریاست الوزراء اداری اورین باسری، مملکت گه قیتیش نیت ده بولگن سرمایه یاتقیزوچیلر، تاجرلر همده صنعت کارلرگه قولیلیک اوچون موظف حمیته لر تامانیدن کوزگه کورینرلی ایشلر بجریلگن و هنوزگچه چیت ایلده شرکت همده فابریکه لری بولگن ۲۹ ته تاجر و صنعت کارلر مملکت گه قیتیب کیلگنلر و بو سهولت دن فایده لنگنلر دیب تاکیدله دی.
اونینگ سوزلریگه کوره، چیت ایلدن اوز فابریکه همده شرکتلرینی آلیب کیله دیگن تاجر و صنعتکارلرگه لازم قولیلیک جمله دن، ۵ ییللیک مالیاتی معافیت، اولرنینگ ماشیرنلری اوچون گمرکی معافیت، هیچ قنده ی تعرفه سی افغانستان قولی بولگن ایکی ته موترنی تعرفه سیز آلیب کیلیش، موجود تورلرنینگ گمرکی محصولی و مالیاتی معافیتی، بیر نمره ییر بیریش، تشقریدن کیله دیگن انجنیرلرگه ایکی ییللیک ویزه بیریش، صنعتی پارک لرده اوی و ییر اختصاصلشتیریش، بانکی قولیلیک و کانلر همده زراعت بوییچه سرمایه یاتقیزیشگه ایریشیشلری نظرده توتیلگن.
حرمتلی مولوی عبدالسلام حنفی جنابلری اوزی نینگ سوزلری اداغیده ایش واجتماعی ایشلر وزیرلیگی نینگ سعی و تلاشی بیلن قطرگه ۷۰۰ افغان ایشچی یوباریلیشی کوتیله دی ویزه بیریله دی و اولر رسمی شکلده او مملکت گه یوباریله دیلر. شونینگدیک بیر - بیراویمیزنینگ همکارلیگیمیز بیلن اولکه داشلریمیز خصوصن مهاجر وطنداشلریمیزگه ایش فرصتلرینی یره تیب بیریلیک دیب امید قیلدی.#
