افغانستان اسلام امیرلیگی باش وزیری نینگ اقتصادي مسأله‌لر بوییچه اورین‌باسری حرمتلی ملا عبدالغنی برادر بوگون کازانده بولیب اوته‌یاتگن ۱۶ -خلق‌ارا اقتصادي فروم نینگ آچیلیش مراسمیده اشتراک ایتدی، تدبیر دایره‌سیده او تاتارستان جمهوریتی جمهور رییسی رستم مینیخانوف بیلن اوچره‌شوو اوتکزدی.
اوچره‌شوو دوامیده تامانلر ایکّی تامانله‌مه اقتصادي و سودا علاقه‌لری، شونینگدیک، تاتارستانلیک سرمایه‌گذارلر نینگ افغانستانگه سرمایه‌کیریتیشلری حقیده فکر المشدیلر.
حرمتلی ملا عبدالغنی برادر تاتارستان جمهور رییسی "روسیه و اسلام دنیاسی" عنوانی آستیده یولگه قوییلگن فرومگه افغانستان اسلام امیرلیگی هیئتینی تکلیف قیلگنی اوچون منّتدارچیلیک بیلدیردی. او بو تکلیف افغانستان بیلن باشقه دولتلر اورته‌سیده‌گی سیاسي و اقتصادي علاقه‌لرنی مستحکملشگه زمین یره‌تیشینی تأکیدله‌دی.
او، اوز سوزیده شونده‌ی دیدی، اسلام امیرلیگی نینگ تشقی سیاستی مستقل، ایجابي، بې‌طرف، موازنتلی و اقتصادگه اساسلنگن بولیب، دنیاده‌گی برچه دولتلر بیلن یخشی مناسبتلرگه ایگه بولیشنی ایسته‌یدی.
حرمتلی ملا عبدالغنی برادر شو سیاست اساسیده افغانستانده تاتارستان جمهوریتی بیلن تورلی بولیملر اینیقسه افغانستانده سرمایه یاتقیزیش، انرژی، زیربنا و سودا ساحه‌لریده تاتارستان جمهوریتی بیلن همکارلیکنی کینگه‌یتیریش نیتیده ایککنینی بیلدیردی.
حرمتلی ملا برادر افغانستان بوگونگی کونده سرمایه کیریتیش اوچون قوله‌ی شرایطگه ایگه ایکنینی ایتیب، تاتارستانلیک سرمایه گذارلرنی نفت-گاز قزیب آلیش و قَیته ایشلش، قوریلیش لایحه‌لری، تیمیر یول و باشقه ساحه‌لرده سرمایه کیریتیشگه چقیردی، او اسلام امیرلیگی اولرنی تولیق قوللب-قوّتلشینی و همکارلیککه تیار ایکنینی تأکیدله‌دی.
شونینگدیک حرمتلی ملا عبدالغنی برادر آخند کازان اقتصادي فرومینی افغانستان و تاتارستان اورته‌سیده‌گی اقتصادي و سودا علاقه‌لرنی کینگه‌یتیریش اوچون یخشی امکانیت دیب اته‌دی و ایکّی مملکت اورته‌سیده کورگزمه‌لر و باشقه اقتصادي تدبیرلر اوتکزیلیشی کیره‌کلیگنی تاکیدله‌دی.
سونگ اوز نوبتیده تاتارستان جمهو رییسی رستم مینیخانوف اسلام امیرلیگی هیئتی نینگ کازان خلق ارا ۱۶ فورومده‌گی اشتراکینی مهم دیب حسابلب، افغانستان بیلن تورلی ساحه‌لرده همکارلیکنی کینگه‌یتیریش مقصدیده تاتارستاندن هیئت کابلگه یوباریلیشینی معلوم قیلدی.
او، حاضرگی پیتده هم اَیریم ساحه‌لرده افغانستان بیلن سودا علاقه‌لری موجودلیگینی، اما بوندن بویان بو مقدارنی آشیریشگه تیارلیکلرینی بیلدیردی.
اوچره‌شووده، شونینگدیک، کوماز یوک مو‌ترلری کمپنیسی نینگ باش دیرگتوری هم اشتراک ایتدی و تاتارستان افغانستانگه کوماز رسوملی یوک تشووچی و یانغینگه قرشی مخصوص موترلر یوباریشنی آشیریشگه تیارلیگینی بیلدیریب بو باره ده تاتارستان جمهور رییسی مینیخانوف دن افغانستان اوچون مخصوص یب سایدی طلب قیلیشدی.
او، بازارنی اورگنیش اوچون افغانستانگه تشریف بویوریشنی و کیینچه‌لیک عملي قدملر تشلشنی ریجه‌لشتیره‌یاتگنینی معلوم قیلدی.
اوچره‌شووده تاتارستان نینگ قیشلاق زراعت و آزیق-طعام وزیری هم اشتراک قیلیب و افغانستانگه حلال آزیق-طعام محصولاتلری صادر قیلیشنی آشیریشگه تیار ایکنلیکلرینی ایتدی.
ریاست الوزراء اقتصادی اورین باسری ملا عبدالغنی برادر بو اوچره‌شوونی ایکّی مملکت اورته‌سیده‌گی ینه‌ده کینگراق همکارلیک اوچون یخشی باشلنیش دیب اته‌دی.
اوچره‌شوو یکونیده ملا برادر حرمتلی جمهور رییس مینیخانوف‌نی ایکّی تامانله‌مه علاقه‌لرنی مستحکملش مقصدیده افغانستانگه تشریف بویوریشگه تکلیف قیلدی.#
