افغانستان اسلام امیرلیگی نینگ باش وزیری الحاج ملا محمد حسن آخند رئیسلیگیده کابینه نینگ ییگیرمنچی مجلسی تیناون بولیب اوتدی. مذکور ییغیلیشده بیر قطار مهم ملي مسأله‌لر محاکمه قیلینیب، ضرور قرارلر قبول قیلیندی.
مجلس قرآنکریم تلاوتی بیلن باشلندی. اونده مملکت نینگ اقتصادي، اجتماعي و مدني یونلیشلریگه علیحده اعتبار قره‌تیلدی. اینیقسه، اهالینی رویخطگه آلیش ملي جریانی و قوریلیش ایشلری نینگ تیزلشتیریلیشی یوزه‌سیدن مهم بحث بولیب اوتدی.
شو مناسبت بیلن، احصایه و معلومات ملی اداره سی باشلیغی حاجی عبدالقاهر باشچیلیگیده ایشچی گروه توزیلدی. اولر اهالینی رویخطگه آلیشگه عاید ییغیلیش اوتکزه‌دی، موجود پیشنهاد و لایحه‌لرنی هر تامانله‌مه تحلیل قیله‌دی و اوز یکوني حساباتینی نوبتده‌گی کابینه مجلسیگه تقدیم ایته‌دی.
بوندن تشقری، شهرسازلیک و اوی - جای وزیرلیگیگه قوریلیش ایشلری نینگ لایحه چیزمه‌لری و رخصت‌نامه‌لر بریش جریانلرینی جدیللشتیریش و سادّه‌لشتیریش بوییچه تاپشیریقلر بیریلدی.
کابینه مجلسی باشقه قطار مهم مسأله‌لر یوزه‌سیدن باتفصیل بحث و قرارلر بیلن یکونلنیب، دعا بیلن نهایه‌سیگه ییتدی.#
