افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون اهل تشیع نینگ بیر قنچه عالملری همده بویوکلری بیلن کوریشدی.
بو اوچره شووده بیرینچی ملاقات قیلووچیلر مسووللرنینگ فداکارلیک همده تلاشلری و مملکت ده اسلام امیرلیگی حاکمیتی آستیده بجریلگن ترقیات ایشلرگه اشاره قیلیب ایتیشلریچه، بو زحمت و صادقانه تلاشلر افغانستان مردمیگه کوپراق امیدوارلیکنی ایجاد قیله دی.
اولر مملکت نینگ اوزاق حدودلریده ترقیات پروژه لرنینگ عملگه آشیریلیشی مردم نی ایش جایلرینی ایجاد قیله دی و یاشلرنینگ خارجی مملکت لرگه مهاجرت قیلیشی نینگ آلدینی آله دی دییه امید قیلدیلر.
شونینگدیک ملاقات قیلووچیلر ایریم اجتماعی مساله لر و معمالرنی تیلگه آۀیب اسلام امیرلیگی مسووللریدن بو توغریده توجه قیلیشنی ایسته دیلر.
ریاست الوزراء اداری اورین باسری حرمتلی مولوی عبدالسلام حنفی اهل تشیع عالملری همده بویوکلری بیلن اوچره شگنیدن خرسندلیک قیلیب ایتیشیچه، اسلام امیرلیگی افغانستان مردمیگه خذمت قیلیش ده متعهد دیر رفاه یره تیش و مردم نینگ معمالرینی برطرف قیلیش اوچون هیچ بیر تلاش نی دریغ ایتمه یدی.
ریاست الوزراء اداری اورین باسری نینگ قوشیمچه قیلیشیچه، اسلام امیرلیگی مسووللری قولده گی امکانیت بیلن مملکت اوزاق منطقه لریده هم ترقیات برنامه لر عادلانه عملگه آشیریلیشی اوچون تلاش قیله دیلر و برنامه لردن افغانستان مردمی فایده له نیب تاکه مملکت رواجله نیش ساری یونلتیریلسه.#
