افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی همده مهاجرلر قیینچلیگینی تیرگش عالی کمیسیون باشلیغی، هرات ولایتی والیسی حرمتلی شیخ نور احمد اسلام جار، مهاجرلر قیینچیلیگینی تیرگش عالی کمیسیون مسووللری و امرلیک نینگ بیر قنچه مسووللری آرقلی یولداشلیک قیلینر ایدی ایران دن اولکه گه قیتیب کیله دیگن مهاجرلر جریانینی هرات نینگ اسلام قلعه بندریده یقین دن باریب کوردی.
اوشبو کوز دن کیچیریش ده ریاست الوزراء اداری اورین باسری مهاجرلر وضعیتینی تیکشیریب اورگنیش دن علاوه، تیگیشلی مسووللرگه وقتیدع بولرگه اعتبار قره‌تش و اولرگه یخشی خدمت کورتیش اوچون لازم هدایت تاپشیردی.
حرمتلی مولوی عبدالسلام حنفی مهاجرلرنی ثتب، تثبیت و وقتینچه‌لیک جایلشتیرلیشلرینی تیکشریب نظارت ایتیش دن علاوه، اولرگه ساغلیقنی سقلش خدمتلری یانیده تیگیشلی ولایتلرگه ییتکیزیلیشیلری حقیده جدی چاره تدبیر کوریب صحی کلینیکلر سانی کوپه‌یتیریلیشی، آمبولانسلر و ایشلرنی تنظیم قیلگنلری اوچون منتدارچلیک بیلدیریب، موظف هیات نینگ صادقانه تلاشلرینی تقدیرله‌دی.
ریاست الوزراء اداری اورین باسری شونینگدیک قیتیب کیلگن وطنداشلریمیزنینگ ایستک پیشنهادلرینی هم ایشیتیب، تیگیشلی مسووللرگه تیزلیکده مهاجرلرنینگ اساسی معمالری برطرف قیلینیشی توغریسیده ممکن بولگن فرصتلردن فایده له نیشنی ایسته‌دی.
حرمتلی مولوی عبدالسلام حنفی ساغلیقنی سقلش، انتقال، ینگی اوی جای و اولرگه ایش فرصتلری یره‌تیب بیرلیشی باره‌سیده قیتیب کیله‌جک مهاجرلرگه کوپرلق آسانلیک یره‌تیب بیریلیشینی اوستیده تاکیدله‌دی.#
