افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ بیرلشگن ملتلر تشکیلاتی باش کاتبی نینگ انسان پرورلیک همده شاشیلینچ یاردملرنی هماهنگ قیلووچی ایشلر اورین باسری تام فلیچر جنابلری و یولداش هیاتی بیلن کوریشدی.
بو اوچره شووده دستلب تام فلیچر جنابلری گپیریب افغانستانگه قیلگن سفریدن خرسندلیک قیلیب افغانستان اسلام امیرلیگی حاکمیتیده خوفسیزلیک تامین بولگنی و بجریلگن ایشلردن ایزگولیک ده ایسله دی.
فلیچر جنابلری نینگ کوپه یتیریشچه، افغانستان خلقی نینگ یاردم و همکارلیککه ضرورتی بار و بیرلشگن ملتلر تشکیلاتی افغانستان مردمی گه تورلی بولیملرگه کمک ییتکزیش اوچون تلاش قیله دی.
بیرلشگن ملتلر تشکیلاتی باش کاتبی نینگ انسان پرورلیک و شاشیلینچ یاردملرنی هماهنگ قیلووچی اورین باسری، افغانستانگه کوپ مثبت اوزگریشلر کیلگن شخصا بونی یقین دن کوردیم و بونی انکار قیلیش انصاف دن ییراق دیر دیدی.
شونینگدیک او بیرلشگن ملتلر تشکلاتی نینگ اسلام امیرلیگی بیلن همکارلیگیگدن ایشانچ بیریب افغانستان ده ییریک پروژه لر عملگه آشیریلیشینی امید قیلدی تاکه بونینگ نتیجه سیده افغانستان مردمی کیله جک ده انسان پرورلیک یاردملرگه احتیاجی بولمسه.
سونگره افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بیرلشگن ملتلر تشکیلاتی باش کاتبی نینگ شاشیلینچ یاردملرنی هماهنگ قیلووچی ایشلر بوییچه اورین باسری و یولداش هیاتینی خوش کیلیب سیزلر دیب، بو تشکیلات نینگ افغانستان مردمی گه کمکلریدن تشکرلیک قیلدی.
ریاست الوزراء اداری اورین باسری اسلام امیرلیگی رهبریتی و مسووللری امنیت برقرار بولیشی، مردم احتیاجی برطرف بولیشی و اقتصادی کینگش اوچون کیچه و کوندوز تلاش قیله دیلر دیدی.
حرمتلی مولوی عبدالسلام حنفی افغان مهاجرلری قوشنی مملکت لردن جبری چیقاریلیشی توغریسیده اشاره قیلیب، بو پروسه قوشنیچیلیک اصولی و خلق ارا قانونلرگه قرشی بجریله دی بو ایسه تامانلر ارا منفی تاثیر تشله یدی و بو توغریده بیرلشگن ملتلر تشکیلاتی اوز مسوولیتینی بجریشینی آروز قیله میز.
ریاست الوزراء اداری اورین باسری، افغانستان اسلام امیرلیگی برچه مملکت لر بیلن متقابل حرمت و اقتصادگه یونلتیریلگن ایزگو علاقه ده بولیشنی خواهله یدی دیدی.#
