افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند بوگون آذربایجان مملکت ده باکو دینگیزی خلق ارا بندرینی کوزدن کیچیردی.
او اوشبو بندر امکانیتلری ترانسپورت جریانی و انتقالات نی یقین دن باریب کوریب آذربایجانلیک مسووللردن مذکور بندر آرقلی افغانستان صادراتی اوچون لازم قویلیکلر یره تیب بیریشلرینی سوره دی.
باکو دینگیزی خلق ارا بندری و تیمیر یول مسووللری حضوری بولگن بو اوچره شووده، آذربایجان تامانی مذکور بندر لاجورد دهلیزی یولیده جایلشگن بولیب، افغانستان صنعتی، زراعتی محصولاتلری قوشیمچه معدنی موادلر تورکیه و اروپاگه صادر قیلیش ده بوتونله ی تیارلر. شونینگدیک اولر تیمیر یولی و ایران آرقلی افغانستان تجارتی تورلری روسیه گه هم آلیب باریلیشی امکانی یره تیلگن دیدیلر.
بو کوزدن کیچیریش جریانیده، هر ایکی تامان مشترک تخنیکی کمیته لر ایجاد قیلیش اوستیده کیلیشیب تاکه موجود ظرفیتلر و ترانسپورتی یوللرنی تیکشیرسه لر و افغانستان صادراتی اوچون قولیلیک یره تیش ده عملی یول یورق تاپیشسه لر.
باکو دینگیری خلق ارا بندری حاضرگی کونده ییلیده ۱۵ میلیون تُن تورلرنی ییتکزیش قابلیتیگه ایگه بو ظرفیت ایسه کیله جک ده ۲۵ میلیون تُن گه آشیریلیشی کوتیله دی.
