افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون سپیدار قصریده بدخشان و بغلان ولایتلری بیر قنچه قوم بویوکلری و آقسقاللری بیلن ایری – ایری اوچره شدی.
دستلب بو اوچره شووده مذکور قوم بویوکلری و آقساقللر نینگ ایتیشیچه، بدخشان خلقی اسلام امیرلیگی کیلگنی و مملکت ده اسلامی نظام مستحکم لنگنیدن خوشحال و همکارلر.
اولر، مملکت بویلب خوفسیزلیک تامینلنگن و ترقیات پروژه لر عملگه آشیریلیشیدن خورسندلیک قیلیب، ولایت ده کلینیکلر، مکتبلر و یوللر قوریلیشینی ایستیب بو ولایت اهالیسی قیینچیلیکلرینی ریاست الوزراء سیاسی اورین باسری بیلن شریک قیلدیلر.
باشقه تاماندن ریاست الوزراء سیاسی اورین باسری حرمتلی مولوی عبدالکبیر، بغلان نینگ بیر قنچه قوم بویوکلری بیلن اوچره شوو اولرنینگ قیینچیلیک و پیشنهادلرینی ایشیتدی. بو اولتیریش ده بغلان قوم بویوکلری بو ولایت ده ترقیات پروژه لر باشله نیشینی ایسته دیلر.
ریاست الوزراء سیاسی اورین باسری حرمتلی مولوی عبدالکبیر اوشبو قوم آقسقاللریگه منتدارچیلیک قیلیب ایتیشیچه، اسلامی نظام ده برچه افغانلرگه تیگیشلی و هر قندی تبعیض سیز موازنتلی ترقیات اوچون تلاش قیلینه دی.
حرمتلی مولوی عبدالکبیر، اسلام امیرلیگی ترقیات پروژه لرنی باشلش بیلن ایش سیزلیک معماسینی برطرف و وطنداشلریمیز قیینچیلیگینی اساسی حل قیلیش اوچون سعی وتلاش قیله دی.
ریاست الوزراء سیاسی اورین بارسری اوزی نینگ صحبتلری اداغیده، بدخشان و بغلان ولایتلری آقسقاللریگه قیینچیلیکلرینگیز تیکشیریلیب حل بولیشی اوچون تیگیشیلی اداره لرگه لازم بویروق تاپشیریله دی دیب اطمینان بیردی.#
