افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون کیچ پکتیکا ولایتی والیسی اورین باسری حرمتلی مولوی مخدوم عبدالسلام سعادت بیلن کوریشدی.
بو اوچره شووده دستلب پکتیکا ولایتی والیسی اورین باسری حرمتلی مولوی مخدوم عبدالسلام بو ولایت نینگ اجتماعی، اقتصادی، خوفسیزلیک همده محلی حکومت چیلیگی باره سیده صحبت قیلیب و اوزی نینگ فعالیتلری همده ایشلر توغریسیده ریاست الوزراء اداری اورین باسرلیگی مقامیگه گزارش بیردی.
اونینگ سوزلریگه کوره، بو ولایت ده خوفسیزلیک بوتونله ی تامین ایتیلگن محلی مسووللر و اسلام امیرلیگی نینگ مجاهدلری مردم آسایشته لیگی و اولرگه خذمت قیلیش اوچون همیشه تلاش ایته دیلر.
شونینگدیک پکیتکا ولایتی اورین باسری مذکور ولایت اهالی سی نینگ احتیاجلری باره سیده اشاره قیلیب، اسلام امیرلیگی نینگ مسووللریدن ترقیات پروژه لر عملگه آشیریلیشی، قتناوو یوللر قوریلیشی، مدرسه لر همده مکتبلر تاسیس قیلینیشی و ایریم منطقه لرده صحی مرکزلر آچیلیشی توغریسیده توجه قیلیشلرینی ایسته دی.
ریاست الوزراء اداری اورین باسری حرمتلی مولوی عبدالسلام حنفی اوچره شوودن خورسندلیک قیلیب پکتیکا ولایتی محلی مسووللری نینگ فعالیتی و بو ولایت اهالیسیگه یخشی خدمت قیلیش یولیده آلیب بارگن تلاشلرینی مخته دی.
ریاست الوزرا اداری اورین باسری نینگ کوپه یتیریشیچه، خوفسیزلیک تامینله نیشی، وطنداشلرگه لازم خدمت لر اوچون آسانلیک یره تیش و اولرنینگ قیینچیلیکلری برطرف ایتیلیشی حقیده مسووللر آلدین دن کوره کوپراق سعی و حرکت ایتیشلرینی ایتدی.
حرمتلی مولوی عبدالسلام حنفی بیلدیریلگن پیشنهادلر باره سیده ایتیشیچه، اسلام امیرلیگی اوزی نینگ موجود امکانیتی اساسیده ایسله تیلگن موردلرگه توجه قیلیب لازم چاره کوره دی.#
