اقتصادی کمیسیون نینگ نوبت ده گی جلسه سی افغانستان اسلام امیرلیگی ریاست الوزراء اقتصادی کمیسیون اورین بارسری حرمتلی ملا عبدالغنی برادر باشچیلگیده بولیب اوتدی.
بوگون مرمرین قصریده بولیب اوتگن ییغین ده، آجندا اساسیده ایکینچلیک، سوغاریش و چارواچیلیک وزیرلیگی تامانیدن آلتی ته زراعتی، نمایشی و ترویچی کمپلس هرات، هلمند، ننگرهار و بلخ ولایتلریده قوریلیش طرحی اوستیده بحث آلیب باریلدی.
اوشبو طرح هر تامانلمه بحث گه آلینگندن سونگ اقتصادی کمیسیون نینگ توصیه لری نظرده توتیلگن دن کیین تصدیقلندی. اوشبو کمپلکس لر۴۴۷۹ جریب ییرده قوریله دی زمانوی و میکانیزه زراعت بوییچه دهقانلرگه خدمت قیلیشه دی.
اوشبو جلسه ده ایکینچیلیک، سوغاریش و چارواچیلیک وزیرلیگی آرقلی تاوغ چیلیک بوییچه اوزینی اوزی قوللش پالیسی هم تقدیم قیلیندی و هر تامانلمه بحث دن کیین تصدیقلندی.
تاووغ چیلیک سکتوری گوشت و دانه ایشلب چیقاریش ده اوزینی اوزی حمایت قیلیش ده یقینله شیب و بو پالیسی عملگه آشیریلیشی بیلن تاووغ غله سی ایشلب چیقش ده اوزینی اوزی حمایت قیلیش درجه ده ایته دی.
حاضرگی کونده مملکت بویلیب ۱۴ مینگ تاووغ چیلیک فارمی فعال بولیب توغریدن توغری ۱۰۰ مینگ و غیر مستقیم روش ده ایسته ۳۰۰ مینگ اولکه داشیمیزگه ایش زمینه سینی یره تگن.
اقتصادی کمیسیو نینگ نوبت ده گی جلسه سیده ایکینچیلیک، سوغاریش و چارواچلیک وزیرلیگی نینگ سوت محصولاتی سکتوریده اوزینی اوزینی حمایت قیلیش بوییچه پالیسی سی اوستیده هم بحث آلیب باریلدی.
بو پالیسی ایسه هر تامانلمه بحث و اقتصادی کمیسیون توصیه لری نظرده توتیلگن دن کیین تصدیقلندی. اوشبو پالیسی عملگه آشیریلیشی بیلن ضرورت بولگن سوت محصولاتی مملکت ایچکریسیده پروسس و مالدارلیک سکتوری هم رواجلنه دی.
شونینگدیک اوسیملیک یاغ بولیمیده هم اوزینی اوزی قوللش طرحی ایکینچلیک، سوغاریش و چارواچیلیک وزیرلیگی تامانیدن تقیدیم قیلیندی.
بو طرح اوستیده هر تامانلمه بحث آلیب باریلیب اقتصادی کمیسیون توصیه لری بیلن تصدیقلندی.
مذکور طرح اساسیده مملکت نینگ تورلی ولایت لریده ۲۸۹ جریب ییر پخته، سویابین، کنجد، شرشم، زغر و چیچیک گلی کبی اوسیملیک ایکیله دی. بو طرح نینگ بیرینچی مرحله سی تطبیق بولیشی بیلن اوسیملیک یاغی بوییچه مملکت نینگ ۳۰ فیصد احتیاجی تامینلنه دی.
ییغین سونگیده ایریم موضوعلر توغریسیده گی تعقیبی گزراشلر هم تقدیم قیلیندی و اقتصادی کمیسیون تامانیدن تصدیقلندی.
بو قرار تصدیقله نیشی مقصدیده عالیقدر امیرالمؤمنین حفظه‌الله تعالی دفتریگه یوباریله دی#.
