افغانستان اسلام امیرلیگی ریاست الوزراء باش وزیری حرمتلی الحاج ملا محمد حسن آخند بوگون کیچ افغانستان، پاکستان و ازبکستان اوچ تامانلمه ییغینیده اشتراک قیلیش مقصدیده رسمی سفر بیلن کابل گه کیلگن پاکستان باش وزیری اورین باسری همده تشقی ایشلر وزیری محمد اسحاق دار همده یولداش هیاتی بیلن اوچره شیب ملاقات قیلدی.
تشقی ایشلر وزیرلیگی سرپرستی حرمتلی مولوی امیرخان متقی، ریاست الوزراء عمومی دفتری باشلیغی حرمتلی داکتر ملا عبدالواسع و هر ایکی مملکت نینگ یوقاری مرتبه لی رسمیلری حضوریده ارگ نینگ گلخانه قصریده بولیب اوتگن بو اوچره شووده، دستلب افغانستان اسلام امیرلیگی ریاست الوزراء باش وزیری حرمتلی الحاج ملا محمد حسن آخند پاکستان باش وزیری اورین باسری همده تشقی ایشلر وزیری و یولداش هیاتنی خوش کیلیب سیزلر دیب ایتیشیچه، اوشبو سفر افغانستان و پاکستان اورته سیده گی مناسبتلر ینه ده کینگه یشی اوچون فایده لی بولیشی حقیده امید بیلدیردی.
کیینچه لیک پاکستان باش وزیری اورین باسری همده تشقی ایشلر وزیری حرمتلی محمد اسحاق پاکستانلیک هیات نی خوش قرشیلنگنی هممده مهمان نوازلیک دن تشکرلیک قیلیب، پاکستان باش وزیری شهباز شریف نینگ ایزگو سلاملرینی اسلام امیرلیگی باش وزیریگه تقدیم قیلدی.
اونینگ سوزلریگه کوره، پاکستانلیک هیات نینگ افغانستانگه سفریده هر ایکی مملکت اورته سیده کیلیشیلگن شرطنامه لر عملگه آشیریلگن و اسلام امیرلیگی حاکمیتیده ازبکستان، افغانستان و پاکستان اورته سیده اوچ تامانلمه کیلیشوو امضاله نیشیدن خرسند میز. ترانس – افغان تیمیر یول پروژه سی مذکور اوچ مملکت نی بیر- بیراوی بیلن باغله یدی بو بیلن تجارتی همده اقتصادی همکارلیکلر الدین دن کوره کوپیه دی.
پاکستان باش وزیری اورین باسری همده تشقی ایشلر وزیری چین خلقی جمهوریتیگه بولگن سونگی سفریده، بو مملکت دن اوشبو پروژه نی حمایت قیلیشنی سوره گن.
اونگه کوره، هر ایکی مملکت اورته سیده علاقه لر کوچه یشیگه امید قیله میز تاکه کیله جک نسل بیرلیک و بیردملیک فضاده بیر- بیراولری نینگ یانلریده حیات کیچیرسه لر.
بو اوچره شووده ریاست الوزراء باش وزیری حرمتلی الحاج ملا محمد حسن آخند، مینینگ هم قیزغین سلام لریمنی پاکستان باش وزیریگه ییتکزینگ و آلدینگی سفرینگیز یخشی یوتوقلرگه ایگه ایدی و دعا قیله میزکه بوگونکی سفرینگیز هم یخشی و ثمره لی بولسین.
افغانستان اسلام امیرلیگی ریاست الوزراء باش وزیری قیینچلیک، معمالر و اینیقسه افغان مهاجرلری نینگ مملکت گه قیتیشی توغریسیده گی ایکی تامانلمه تلاشلر ثمره لی بولیشی اوچون امید بیلدیردی.
افغانستان، ازبکستان و پاکستان اورته سیده گی اوچ تامانلمه کیلیشوو امضالنگنیگه اشاره قیلگن حرمتلی الحاج ملا محمد حسن آخند گه کوره، ترانس – افغان پروژه سی موفقیت گه ایریشیشی اوچون بار کوچیمیز بیلن تلاش قیله میز.
اونینگ قوشیمچه قیلیشیچه، زور و تهدید تیلی بیلن هیچ بیر قیینچیلیک حل بولمه یدی و الله تعالی دن قیینچیلیکلر و معمالرنی ایزگو نیت، کیلیشیش، همکارلیک، ایناغه لیک و حسن همجوارلیک یوزه سیده حل قیلیش اوچون توفیق بیریشنی استدعا قیله میز.
اسلام امیرلیگی باش وزیری پاکستان باش وزیری اورین باسری نینگ اوزینی بو مملکت گه رسمی چقیرگنیدن منتدارچیلیک بیلیدیریب، مناسب بیر فرصت ده بو مملکت گه سفر قیلیشی ممکنلیگینی تیلگه آلدی.#
