افغانستان اسلام امیرلیگی ریاست الوزراء اداری اورین باسری حرمتلی مولوی عبدالسَلام حنفی باشچلیک قیلگن هیات چین رسمیلری تامانیدن ایلیق کوتیب آلینگنیدن سونگ، تیناوون توشدن کیین چین خلق جمهوریتی دایمي کانگرس کمیته‌سی رئیسی نینگ اورین‌باسری جناب وانگ دونگ، تشقی ایشلر وزیری اورین‌باسری جناب سون ویدونگ همده بیر گروه سرمایه یاتقیزوچیلر بیلن ایری- ایری اوچره‌شوولر اوتکزدی.
بو علیحده اوچره‌شوولر چین نینگ یون‌نن ولایتیده، صنعت و تجارت وزیرلیگی سرپرستی حرمتلی الحاج نورالدین عزیزي همده تشقی ایشلر وزیرلیگی معاونی دوکتور محمد نعیم وردک اشتراکیده بولیب اوتدی و اوچره‌شوولرده حرمتلی مولوی عبدالسَلام حنفی چین عملدارلری نینگ تکلیف و مهمان‌دوستلیگیدن منّتدارچیلیک بیلدیریب، افغانستان خلقیگه کورستگن یاردملریدن چین دولتیگه تشکرلیک اظهار ایتدی.
سونگ جناب وانگ دونگ مینگ افغانستان اسلامي امیرلیگی نینگ تورلی ساحه‌لرده‌گی یوتوقلریدن ممنونلیگینی بیلدیرگن حالده، چین و افغانستان یخشی قوشنیلر صفتیده هیچ قچان معما یوزه‌گه کیلتیرمه‌گنینی ایتیب، ایکّی تامانله‌مه علاقه‌لر ینه‌ده رواجلنیشیگه امید بیلدیردی.
او، شونینگدیک، چین - جَنوبي آسیا کورگزمه‌سی قَیته آچیلگنینی ایسله‌تیب، بو تدبیر افغانستان اوچون هم کتّه اقتصادي فایده آلیب کیلیشینی تأکیدله‌دی.
کیینچه‌لیک حرمتلی مولوی عبدالسلام‌حنفی اسلامي امیرلیگی "بیلباغ – بیر یول" لایحه‌سینی قوللب-قوّتلشینی بیلدیریب، ایکّی دولت اورته‌سیده‌گی همکارلیک نینگ تورلی ساحه‌لرده ینه‌ده مستحکملنیشیگه امید بیلدیردی.
سونگ اسلام امیرلیگی تشقی ایشلر وزیری اورین‌باسری هم چین و افغانستان اورته‌سیده‌گی ایکّی تامانله‌مه علاقه‌لرنی ایسله‌تیب اوتیب، چین نینگ افغانستانده‌گی ییریک لایحه‌لری ایکّی دولت اوچون هم کتّه فایده آلیب کیلیشینی تأکیدله‌دی.
اسلامي امیرلیگی اداری اورین‌باسری سیاسي، اقتصادي و مدني علاقه‌لرنی کینگه‌یتیریش مهم‌لیگینی ایتیب، یخشی و دوستانه مناسبتلر تامانلر اورته‌سیده اوزارا منفعتلی همکارلیک اساسیده قوریلیشی لازملیگینی بیلدیردی.
شونینگدیک، چین لیک سرمایه‌گذارلر افغانستان اسلامي امیرلیگی هیایتی بیلن علیحده اوچره‌شووده افغانستان نینگ تورلی ساحه‌لریگه سرمایه کیریتیشگه قیزیقیش بیلدیرگن و اسلامي امیرلیگدن بو باره‌ده همکارلیکنی سوره‌گنلر.
کیین، حرمتلی مولوی عبدالسلام حنفی افغانستانده سرمایه کیریتیش اوچون موجود قوله‌ی شرایطلرنی ایسله‌تیب، اسلامي امیرلیگی تامانیدن ایچکی و تشقی، خصوصاً چین‌لیک سرمایه‌گذارلر اوچون ضرور قوله‌یلیکلر یره‌تیب بیریلیشینی تأمینلشگه ایشانچ بیلدیردی.#
