افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ پاکستان بلند مرتبه لی هیاتی باشچیلیگیده کابل گه سفر قیلگن او مملکت باش وزیری اورین باسری همده تشقی ایشلر وزیری بیلن ارگ ده اوچره شدی.
صنعت و تجارت وزیرلیگی سرپرستی الحاج نور الدین عزیزی، ایچکی ایشلر، مالیه، مهاجرلر، اقتصاد، ترانسپورت، کانلر و پترولیم وزیرلیکلری معینلری حضوریده اوتکزیلگن بو اوچره شووده، ایکی تامانلمه علاقه اینیقسه اقتصادی، تجارتی، ترانزیت و پاکستان دن افغان مهاجرلری نینگ جبری چیقاریلیشی کبی موضوعلر اوستیده بحث قیلیب فکر المشتیردیلر.
ریاست الوزراء اداری اورین باسری حرمتلی مولوی عبدالسلام حنفی پاکستان باش وزیری اورین باسری همده یولداش هیات نی خوش کیلیب سیزلر دیب، اوشبو سفر هر ایکی مملکت علاقه سی کوچه یشی و بعضی بیر مساله لر حل بولیشی اوچون فایده لی و ثمره لی بولیشیگه امید بیلدیردی.
اونینگ قوشیمچه قیلیشیچه، افغانستان و پاکستان نینگ تاریخی و دوستانه علاقه سی بار و اولکه لریمیز همده ملتلریمیزنی یخشیلیک تامان یولاوچی بولیشیمیز کیره ک و بوندی اوچره شوولر همده ایکی مملکت بلند مرتبه لی رسمیلری نینگ کیلیب کیتیشی ایریم مساله لر تفاهم، مذاکره و گفتگو آرقلی حل بولیشیگه امید قیلدی.
سونگ پاکستان باش وزیری اورین باسری افغانستان و پاکستان ایکی ایناغه مملکت دیر و بولرنینگ دینی، فرهنگی مشترکاتلری بار همده تورلی بولیملرده گی مناسبتلر قاله ویرسه تجارت و ترانزیت علاقه لر رواجلنماقده دیب قوشیمچه قیلدی.
شونینگدیک پاکستان نینگ تورلیم بولیملرده گی اقتصادی، تجارتی و ترانزیتی پیشنهادی و ایستکلرینی تیلگه آلیب و هر ایکی اولکه اورته سیده گی کیلیشوولر تطبیقی اوچون مملکتی نینگ تیارگرلیگیدن بیلدیریب ایتیشیچه، بیزلر هر ایکی مملکت اورته سیده تجارتی و ترانزیتی علاقه کینگشی و شونینگدیک افغانستان تاجرلریگه ویزه صادر قیلیش گه آسانلیک یره تیشمیز ممکن دیدی.
ریاست الوزراء اداری اورین باسری افغان مهاجرلری بیلن قوپال یانده شیلگنی توغریسیده ایتیشیچه، بوندی یاندشوولر هر ایکی مملکت مردملر ذهنیگه منفی تاثیر قالدیره دی بو توغریده پاکستانلیک بلند مرتبه لی رسمیلرنینگ خاص توجه سینی ایسته دی.
پاکستان باش وزیری اورین باسری همده تشقی ایشلر وزیری محمد اسحاق دار، افغان مهاجرلری حرمت و احترام بیلن مملکتلریگه قیتیش اوچون معین پروسه نی ایلگری آلیب باره میز شونینگ اوچون ۴۸ ساعت ایچیده بیر میکانیزم فعال بوله دی و مهاجرلر ایسه مخصوص تیلفون آرقلی علاقه قوریب قیینچلیکلرینی تیلگه آله دیلر و متخلفلر بیلن قانون یوزه سیدن یانده شیله دیب دیب اطمینان بیردی.
اونینگ تاکیدله شیچه افغان مهاجرلری بیلن نا مناسب یانده شیلیشینی چیده آلمه یمیز و کیلگوسی ۴۸ ساعت ایچیده بیر میکانیزم فعال بوله دی افغانلر مال ملک و شخصی اوسکونه لر افغانستانگه آلیب باریلیشی حقیده گی قیینچلیک هم حل بولیشی ممکن.
مملکت بویلب امنیت تامینلنگنی باره سیده اشاره قیلگن حرمتلی مولوی عبدالسلام حنفی نینگ قوشینچه قیلیشیچه، بیزلر تجارتی علاقه کینگیشی، پاکستان مرکزی آسیا بیلن باغله نیشی و هر ایکی مملکت اورته سیده پروژه لر تطبیق ایتیلیشی و هر ایکی مملکت ارا اقتصاد رواجله نیشی ایکی مملکت مردمی نینگ آسایشه لیگیگه سبب بوله دی بونی بوتونله حمایت قیله میز.
ریاست الوزراء اداری اورین باسری تیلگه آلینگن مساله لر اینیقسه PTA ترجیحی تعرفه و ایکی مملکت اورته سیده کیلیشیلگن باشقه پروژه لر کاغذ یوزیده قالمه عمل ده تطبیق بولیشی لازم دیدی.
اوچره شوو سونگیده پاکستانلیک هیات افغانستان اسلام امیرلیگی ریاست الوزراء اداری اورین باسری تامانیدن تیارلنگن ضیافت ده اشتراک قیلدی.#
