افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون حکومت اطلاعات و ییتکرمه لر مرکزیده اوتکزیلگن مطبوعاتی بیر کنفرانس ده قوشنی مملکت ده قیتیب کیلگن مهاجر باره سیده خبرچیلر سواللری جواب قیتیردی.
ریاست الوزراء اداری اورین باسری نینگ ایتیشیچه، افغانستان اسلام امیرلیگی اوزی نینگ تلاشلری آقیمیده مهاجرلرنی خوش قرشیلش، ثبت، وقتینچلیک جای، آزیق آوقت و تازه ایچیملیک سوو، نقدی یاردم، ساغلیق و ترانسپورت بوییچه خذمت کورسه تیش ده یخشی عمل قیلگن و کیله جک ده اولرگه تعلیم وتربیه، ایش فرصتلری، ییر اجاره بیریلیشی و دایمی یشش بیریلیشی هم نظرده توتیلگن.
حرمتلی مولوی عبدالسلام حنفی نینگ قوشیمچه قیلیشچه، هنوزگچه مملکت نینگ ۲۵ ولایتیده ۳۵ ته یشش شهرچه بونینگ توپلمی بیرلیک قیریق مینگ جریب ییرنی اوز ایچیگه آله دی مهاجرلر و اولکه گه قتیتیب کیله دیگنلر اوچون افتتاح و سروی بولگن، بولرنینگ دیزاین و توپوگرافیسی بجریلگن دیر بو ییرلر شفاف بیر مکانیزیم آرقلی تعین بولگن کمیته آرقلی مستحق تانیلگن مهاجرلرگه توزیع قیلینه دی.
شونینگدیک مملکت گه قیتیش نیتی بولگن شرکتلر همده فابریکه لر ایگه لریگه اولر اوچون هم صنعتی پارک لرده ییر توزیع قیلینگن اولر هم بیش ییللیک مالیه دن معاف بولیش بیلن باشقه قولیلیکلردن هم فایده لنه آله دیلر دیدی.
ریاست الوزراء اداری اورین باسری اوشبو مطبوعاتی کنفرانس ده بیر پیام آرقلی ایران اسلام جمهوریتی مسووللریدن بو مملکت نینگ مسووللری اسلامی حقوق، قوشنیچیلیک و انسانی قدریتلر اساسیده یانده شیشلرینی سوره دی.
ایتیش کیره ک که سونگی کونلرده قوشنی مملکت لر اینیقسه ایران دن افغان مهاجرلرینی قیتیب کیلیشی کوپیگن کونده اسلام قلعه و ابریشم کوپریگی آرقه لی ۴۰ مینگ افغان مهاجر قیته دن اوز وطن لریگه کیله دیلر و سونگی آیلر جریاینده اولکه گه قیتیب کیلگن مهاجرلرنینگ عمومی سانی بیر یریم میلیون کیشی دن آرتگن.#
