افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر ایری ایری اوچره‌شوو ده پکتیکا و پکتیا ولایتلری نینگ بیر قنچه قوم بویوکلری همده آقسقاللری بیلن کوریشدی.
پکتیکا قوم بویوکلری بولگن بیرینچی اوچره‌شوو ده، بو ولایت یشاوچیلری قیینچیلیکلری اوستیده بحث قیلیندی.
مذکور قوم بویوکلری پکتیکاده معارف، ساغلیقنی سقلش، سرک و باشقه بولیملرده قیینچیلیکلری حل بولیشینی ایستب ایتیشلریچه، پکتیکا اهالیسی ترقیات پروژه‌لردن محروم قالگنلر.
شونینگدیک بو ولایت آقسقاللری یریم قالگن پروژه‌لر قیته باشله نیشی و اوزاق منطقه لرده ساغلیقنی سقلش خدمتلریگه ایریشیش کبی ایستکلرینی ریاست الوزراء سیاسی اورین باسریگه تاپشیردیلر.
شو کبی پکتیا ولایتی ځاځي آریوب اولسواللیگی نینگ بیر قنچه قوم بویوکلری و آقسقاللری مذکور اواسواللیک یشاوچیلری قیینچیلیکلری و پیشنهادلرینی شریک قیلیب ایتیشلریچه، بو اولسواللیکده قیته قوریش پروژه‌لر عملگه آشیریلیشی کیره‌ک.
ریاست الورزاء سیاسی اورین باسری حرمتلی مولوی عبدالکبیر، اسلامی نظام نینگ ویژه لیگیگه اشاره قیلیب ایتیشیچه، هر بیر وطنداشیمیز اوز ایستکلرینی وقتیده اسلام امیرلیگی مسووللری بیلن شریک ایته آله دیلر.
حرمتلی مولوی عبدالکبیر اسلام امیرلیگی افغان خلقی گه خدمت قیلیش اوچون مسوول دیب کوپه‌یتیریشیچه، حکومت تبعیض‌سیز برچه منطقه‌لرده بیر سانده خدمت کورسته‌دی.
اونینگ ایتیشیچه، اسلام امیرلیگی معارف ستکوریگه اجتماع نینگ مهم بولیمی صفتیده توجه قیله‌دی و ییل اوتیشی بیلن افغانستان خلقی گه یخشی خدمت قیلیش اوچون سعی و تلاش قیلینه دی تا که مملکت نینگ اوزاق منطقه سیده گی معارف کینگه‌یتیریلسه.
