عالیقدر امیرالمؤمنین حفظه الله تعالی بوگون توشدن آلدین قندهارده هرات ولایتی نینگ علمالر کینگشی و شیندند تومنی نینگ علمالر کینگشی باشلیغلری بیلن اوچره‌شدی.
اوشبو ییغیلیشده جنوبي-غربي منطقه تمیز باشلیغی باش مفتیی، دیني نشرلرنی کوریب چیقیش اداره‌سی رهبری و قندهار ولایتی نینگ بیر قنچه باشقرمه‌لری رهبرلری هم اشتراک ایتدیلر.
مجلس قرآنی کریم نینگ بیر نیچته مبارک آیتلری تلاوتی بیلن باشلندی. سک نگره عالیقددر امیرالمؤمنین حفظه الله تعالی ، ییغیلیش اشتراکچیلریگه نطق سوزله‌دی.
او برچه باشلیغلری نینگ خدمتلرینی اعتراف ایتدی و شونده‌ی دېدی: انبیاء علیهم السلام دن کیین بوتون انسانیت نینگ اصلاح قیلیش مسوولیتی علمالر نینگ ذمّه‌سیده‌دیر، چونکه اولر پیغمبرلر نینگ میراثخورلری و اورین‌باسرلری دیر.
علمالر دیننی سقلش بیلن مسوولدیرلر. الله تعالی علمالرنی حاکملر و سلطانلرگه نسبتاً مسوول قیلگن، آدملر ایسه علمالرگه اطاعت قیلیشگه مجبوردیرلر. علمالر نینگ حساب-کتابی الله بیلن بوله‌دی.
علمالر نینگ مسوولیتی و لوازمی جوده آغیردیر، حساب-کتابی ابسه قیین بوله‌دی. آخرگی زمان نینگ فتنه‌لری ایچیده دیننی، اسلامنی تیکلش و شریعتنی حکمران قیلیش جوده کتّه مسأله‌دیر. حاضر علمالر دیننی، اسلامنی و شریعتنی دولت و سیاست آرقه‌لی تیکلش و اونی عملیاتگه جاري قیلیش بیلن مسوول دیرلر.
بو وقت خلفای‌راشیدین دوری ایمس؛ اولر مجتهید ایدیلر، بیز ایسه حاضرگی زمانده جوده عاجزمیز. شو نینگ اوچون بیزگه همکارلیک و بیر-بیریمیزگه یاردم ضرور دیر. علمالر اوز ارا همجهتلیک و همکارلیکده بولیشلری کیره‌ک.
عالیقدر امیرالمؤمنین حفظه الله تعالی نطقی نینگ آخریده شونده‌ی دیدی، سونگگی ییگیرمه ییل ایچیده اسلامنی یوق قیلیش اوچون جوده کوپ کوچ، مالیه و قدرت ایشله‌تیلگن، خلق آره‌سیده شریعتگه بولگن تویغولر، اسلامي تفکر، تقوا، دین‌پره‌ستلیک و ایمان اوزگرتیریلگن ایدی. مدرسه‌لر و علمالر اوستیگه هجوملر قیلینر ایدی، اولرنی یوق قیلیش اوچون حرکتلر قیلیندی، یامان یوللری آچیب بېریلدی.
سونگگی ییگیرمه ییل دوامیده قنده‌یکی افغانلر نینگ اویلری، ملکلری و شهرلریگه ضرر ییتکزیلگن بولسه، خودّی شونده‌ی اولر نینگ منعویتلریگه هم ضرر ییتکزیلدی.
حاضر هم حرکتلر دوام ایتماقده، بو تیزیمنی ضعیفلشتیریش، علمالر آره‌سیده تفریقه سالیش و اختلاف یره‌تیشگه اورینماقده‌لر. ترغیبات آلیب باریلماقده، تیزیمنی ضعیفلشتیریش اوچون سعی-حرکتلر بولیب، آدملر علمالرگه نسبتاً ایشانچسیز بولیشیگه و دیني طبقه‌گه داغ سالیشگه حرکت قیلینماقده.
تورت ییل بولدیکی، افغانستانده اسلامي امیرلیک حکمرانلیک قیلماقده و برچه ساحه‌لرده هیچ قنده‌ی اختلاف، گروه‌بازلیک، اوروشلر و توسیقلر یوق. شو نینگ اوچون علمالر اوشبو امکانیتدن فایده‌لنیب، شریعتنی حکمران قیلیش اوچون بار کوچلرینی صرفلشلری کیره‌ک.
اسلام امیرلیکپگ نینگ قانونلری، حکملری و فرمانلرینی عملگه آشیریش آرقه‌لی فتنه‌لر ابشیگی یاپیله‌دی و شریعتنی جاري قیلیش یولی آچیله‌دی و آسانلشه‌دی. فرمان و حکملرنی عملگه آشیرمسلیک تفریقه و کیلیشماوچیلیک سببی دیر.
ییغیلیش آخریده برچه عالیقدر امیرالمؤمنین حفظه الله تعالی بیلن ینه بیر بار بیععتلرینی ینگیلب، شریعت تیزیمی نینگ صادق طرفدارلری ایکنلیکلرینی و بولیب قالیشلرینی وعده بیردیلر.
سونگ ییغیلیش عالیقدر امیرالمؤمنین حفظه الله تعالی تامانیدن خلق و تیزیم اوچون دعا قیلیش بیلن یکونلندی.
والسلام
۱۴۴۷/۴/۲ ه.ق.
