آوقت و دارو ملی بوردی ییغینی بوگون توشدن سونگ افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی باشچیلیگیده مذکور بورد اعضالری اشتراکیده بولیب اوتدی.
بو ییغین ده دستلب بورد اعضالری تاپشیریلگن ایشلر باره‌سیده‌گی اجراات و فعالیتلری گزارشینی بیردیلر.
کیینچه‌لیک، ایشلب چیقاریله دیگن و وارداتی دارو و آوقت صفتی نظارت و کنترولی، نا قانونی و غیر معیاری واردات و ایشلب چیقاریش نینگ آلدینی آلیش، ایچکی تولیدی فابریکه‌لرنی معیاریلشتیریش و احتیاج بولگن دارولرنی مجاز لیستیگه کیریتیش کبی موردلر اوستیده هر تامانلمه بحث بولدی.
یکونده، بو باره‌ده قرار قبول قیلینیب مرکز و ولایتلرده دارو و آوقت صفتی ثمره‌لی نظارت بولیشی مقصدیده تیگیشلی اداره‌لرگه بویروق بیریلدی.#
