افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون هلمند ولایتی والیسی حرمتلی مولوی عبدالرحمن مسلم کندزی بیلن اوچره شدی.
بو اوچره شووده دستلب حرمتلی مولوی عبدالرحمن مسلم کندزی بو ولایت عمومی وضعیتی و محلی حکومت دارلیک باره سیده معلومات بیریش دن علاوه، هلمند ولایتیده مجاهدلر همده مسووللر مردم گه خذمت قیلیش و اولرنینگ قیینچیلیکلری حل بولیشی توغریسیده وقفه سیز تلاش قیله دیلر دیب ایتدی.
شونینگدیک هلمند ولایتی والیسی هلمند ولایتی آرقلی پاکستاندن مملکت گه قیتیب کیلگن مهاجرلر قیینچیلیگی تیرگلیشی حقیده اشاره قیلیب ایتیشیچه، بو ولایت نینگ همه مسووللری مهاجرلرگه خذمت قیلیش و اولرگه باش پنه تیارلش اوچون هیچ قنده ی سعی و تلاش نی دریغ ایتمه ی کیچه و کوندوز اولرگه خذمت کورسه تیش آرتیدن لر.
ریاست الوزراء اداری اورین باسری حرمتلی مولوی عبدالسلام حنفی هلمند ولایتی مسووللری فعالیتلری همده ایشلرینی آلقیشلب، یشاوچیلری قیینچیلیگینی تیرگش و اولرنینگ آسایشته لیگینی تامینلش اسلام امیرلیگی مسوولیت و وظیفه لریدن سنه له دی و محلی مسووللر ایسه بو یولده تلاش قیلیشلری لازم دیدی.
حرمتلی مولوی عبدالسلام حنفی نینگ سوزلریگه کوره، جبری شکلده قوشنی مملکتلردن چیقاریلگن مهاجرلرگه خذمت کورستیش و اولرنینگ معماسینی حل ایتیش مسووللر همده اولکه یشاوچیلری نینگ ایمانی و انسانی وظیفه سی دیر و افغانستان اسلام امیرلیگی اولرگه باش پنه، آسانلیک، انتقال و باشقه خذمتلرنی بجریش اوچون قولده گی برچه امکانیتلردن فایده لنه دی.#
