اقتصادی کمیسیون نینگ نوبت ده گی ییغینی افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچیلیگیده مرمرین قصریده بولیب اوتدی.
بو ییغین ده آجندا اساسیده فراه ولایتیده ابو نصر فراهی بندری نینگ تاسیساتی قوریلیشی موضوعی، نقلیه واسطه لرنی یوکلش و بوشه تیش و بو بندرنینگ کینگیتیریش اوستیده بحث قیلیندی. بحث دن سونگ ابو نصر فراهیی بندریگه تیگیشلی اداره لر کینگیتیریلیشی همده نقلیه واسطه لر یوکله نیشی و بوشه تیلیشی اوچون ۴۰۰۰ جریب ییر اختصاصلشتیریلیشی قبول قیلیندی.
شهر قوریش و اوی جای وزیرلیگیگه بو بندر کینگیتیریلیشی بوییچه نقشه دیزاین و تیارله نیب تطبیق بولیش مقصدیده معین زمانده تیگیشلی اداره گه تاپشیریشی وظیفه سی بیریلدی. شونینگدیک مالیه وزیرلیگی بو بندر کینگیتیریلیش پروژه سینی تیگیشلی وزیرلیکلر مالی ییل بودجه سیگه آلیشی بیلدیریلدی.
بو ییغین ده غرنی ولایتی مرکزیده ایکینچیلیک، سوغاریش و چارواچیلیک وزیرلیگی ییرده خصوصی سکتور ارقلی ساووتیگیچ همده جوس ایشلب چیقاریش کارخانه توزه تیلش طرحی اوستیده هم بحث بولدی.
هر تامانلمه بحث دن سونگ، بو طرح تصدیقلندی. اوشبو طرح اساسیده ۵۰۰ تن قابلیتی بولگن ۳۵ جریب ییرده بیر ساووتگیچ و جوس ایشلب چیقاریش کارخانه ایجاد قیلینه دی جمله بو لایحه گه ۱۴۰ میلیون افغانی سرمایه یاتقیزیله دی.
مذکور قرارلر تصدیقله نیش مقصدیده عالیقدر امیرالمؤمنین حفظه الله تعالی دفتریگه یوباریلدی.
