افغانستان اسلام امیرلیگی باش وزیری حرمتلی الحاج ملا محمدحسن آخند بوگون کیچقورون ازبکستان تشقی ایشلر وزیری بختیار سعیدوف باشچیلیگیده‌گی هیات بیلن بو مملکت نینگ افغانستان بوییچه مخصوص نماینده‌سی عصمت‌الله ایرگاشف اشتراکیده ارگ ده اوچره‌شوو اوتکزدی.
اوچره‌شووده افغانستان تشقی ایشلر وزیرلیگی سرپرستی حرمتلی مولوی امیرخان متقی هم قتنه‌شگن ایدی افغانستان باش وزیری هیاتنی ایلیق کوتیب آلیب، افغانستان و ازبکستان اورته‌سیده‌گی مناسبتلرنی تاریخي و قدیمي دیب اته‌دی.
ازبکستان تشقی ایشلر وزیری بختیار سعیدوف ازبکستان جمهور رییس شوکت میرضیایف جنابلرب نینگ سلام و ایزگو تیلکلرینی حرمتلی باش وزیر همده افغانستان خلقیگه ییتکزدی.
او شونده‌ی دېدی، بوگون افغانستان و ازبکستان اوچون تاریخي کون ایکّله مملکت اورته‌سیده سیاسي مصلحتلشوولر اوتکزیلدی همده ترانس-افغان تیمیر یولی بوییچه تخنیکي-اقتصادي اساسلرنی ایشلب چیقیش یوزه‌سیدن اوچ تامانله‌مه کیلیشوو شرطنامه‌سی هم امضالندی.
ازبکستان تشقی ایشلر وزیری افغانستانده سیاسي برقرارلیک، اقتصادي ترقیات و خلق تورموشی نینگ یخشیلنیشی باره‌سیده‌گی سعی-حرکتلرنی مهم یوتوق دیب اته‌دی و تأکیدله‌دی، بو افغانستان یخشی ترقیات یولیده کیته‌یاتگنینی کورسه‌ته‌دی دیدی.
او، شونینگدیک، افغانستان اسلامي امیرلیگی نینگ منطقه و دنیا نینگ کوپلب دولتلری بیلن یخشی علاقه‌لری بارلیگیگه اعتبار قره‌تیب، ازبکستان خلق‌ارا مقیاسده افغانستان حکومتی و خلقینی قوللب-قوّتلب کیله‌یاتگنینی و بونی دوام ایتتیریشینی بیلدیردی.
ازبکستان تشقی ایشلر وزیری سعیدوف جنابلری امام محمد ابن اسماعبل بخاري (رح) مقبره‌سی نینگ تیکلنیشیگه علیحده اعتبار بیرگنی اوچون اسلامي امیرلیک رهبریتیگه منّتدارچیلیک بیلدیرر ایکن، بو نه‌فقط ازبکستان و افغانستان، بلکه بوتون اسلام عالمی اوچون فخر ایکنینی تأکیدله‌دی.
اونینگ سوزلریگه کوره، حاضرگچه ازبکستان بیلن افغانستان اسلامي امیرلیلیگی اورته‌سیده یوزدن آرتیق هیئت المشیووی بولیب اوتگن و بو ایکّی دولت اورته‌سیده‌گی مستحکم علاقه‌لردن دلالت بیره‌دی. او کیله‌جکده هم بو مناسبتلر دوام ایتیشیگه امید بیلدیردی و حرمتلی باش وزیر الحاج ملا محمد حسن آخندنی ازبکستانگه رسمي تشریف بیلن کیلیشگه تکلیف قیلدی.
کیینراق افغانستان باش وزیری الحاج ملا محمد حسن آخند تاریخ دوامیده افغانستان و ازبکستان اورته‌سیده‌گی یخشی مناسبتلرنی ایسلب اوتدی و بو علاقه‌لر ینه‌ده مستحکملنیشیگه امید بیلدیردی.
حرمتلی باش وزیر ایتدیکی، ازبکستان افغانستان بیلن باشیدناق یخشی همکارلیک قیلگن دولتلردن بیری دیر و بیز اقتصادي همکارلیکدن تشقری معنوي یقینلیکلرگه هم ایگه‌میز.
شونینگدیک، او ازبکستان بیلن یخشی و مستحکم علاقه‌لرگه اشاره قیلیب، شونده‌ی دیدی، ازبکستان توشوندی - معمالر فقط ملاقات و تشریفلر آرقه‌لی حل بوله‌دی، شو نینگ اوچون اسلام امیرلیگی بیلن یخشی مناسبتلر آلیب بارماقده.
آخریده باش وزیر ازبکستان تشقی ایشلر وزیری آرقه‌لی جمهور رییس شوکت میرضیایف گه صمیمي سلام و ایزگو تیلکلرینی ییتکزدی و خداوند (ج) ایکّی دولت اورته‌سیده‌گی برادرلیک و همکارلیک دایمي و مستحکم بولسین دیدی.#
