عالیقدر امیرالمؤمنین حفظه‌الله تعالی بوگون توشدن آلدین قندهار ولایتیده گی جهادی مدرس لر استادلری، مهتممین و ناظملری اوچون خاص اوتکزیلگن بیر کونلیک اوقیتیش و اصلاحی سمینارده اشتراک قیلیب نطق سوزله دی بونده عالی تحصیلات وزیرلیگی سرپرستی، جهادی مدرسه لر عمومی باشلیغی، باشلیغلر، استادلر، مدیرلر و ناظملر حضورلری بار ایدی.
سمینار قرآن‌کریم دن بیر نیچه آیات تلاوت قیلینیشی بیلن باشلندی و کیینچه لیک عالیقدر امیرالمؤمنین حفظه‌الله تعالی حاضر کیشیلرگه نطق سوزلب لازم هدایتلر تاپشیردی.
او برچه مسووللرنینگ خذمتلرینی تقدیرلب اشتراک قیلوچیلرگه مهم توصیه لر بیلدیردی.
عالیقدر امیرالمؤمنین حفظه‌الله تعالی، الله جل جلاله مخلوقات ایچیده عالملرگه یوقاری مقام و عزت عطا قیلگن دیر و اولرنی انبیاءلردن سونگ دین نی سقلاوچی مسووللر دیب قرار بیرگن.
شونینگدیک عالملر فقطگینه فردی عبادتلرنی بجریش اوچون تنلنمه‌گنلر، بلکه انبیاءلردن کیین الله جل جلاله تامانیدن اجتماعی و سیاسی مسوولیتلرنی آلیشگه هم مکلف لر دیدی. عالملر امت نینگ اجتماعی همده سیاسی ایشلرینی ایلگری آلیب باریشی کیره ک، جهاد قیلسینلر، شریعت نی تطبیق ایتسینلر، مردم اورته سیده قضاوت قیلسینلر و منازعه لرنی حل و فصل ایتسینلر.
عالیقدر امیرالمؤمنین حفظه‌الله تعالی عالملر هر بیر دوره ده و هر بیر قیین شرایط ده منبر آرقلی فتوا، جهاد، اوقیش، پرورش، دعوت، نصیحت و دین نی سقله گنلر دیدی. اولر مجاهدلرنی تربیت قیلیب و مردم نی جهادگه ترغیب ایتگنلر و بو یولده ییریک قربانلیک بیرگنلر.
عالیقدر امیرالمؤمنین حفظه‌الله تعالی عمومی عفو فرمانی بجریلیشیده عالملر نقشینی هم مخته‌دی.
عالیقدر امیرالمؤمنین حفظه‌الله تعالی علم نینگ اهمیت و ارزشی باره سیده تاکیدلب ایتیشیچه، جامعه نینگ علم بیلن اصلاح قیلیش ممکن دیر و شریعت اقامه سی دینی علوم نی تیکلش بیلن تحقق تاپه دی. دینی علوم اقامه بولمسه، مردم ایچیده دین اقامه‌سی کیلمه‌یدی.
اوشبو سخنرانلیک یکونیده عالقیدر امیرالمؤمنین حفظه‌الله تعالی جهاد مدرسه لرنینگ استادلریگه طلبه لر همده شاگردلرنی علمی، فکری و عقیدتی تربیه لش ده تلاش قیلیشلری، اولرنینگ ظاهری و باطنی تهذیب لرگه خاص توجه قیلینسین، طلبه لرنی آته – آنه، استادلر و باشقه لر حقوقینی بیلیش ده اورگه تیلسین و باشقه نهادلر بیلن همکار بولسینلر و اوز آره لریده متقابل ایشانچ نی کوچه یتیرسینلر، زیرا ایشانچ سیزلیک نا فرمانلیککه باعث بوله دی و نا فرمانلیک ایسه قرمه قرشیلیککه سبب بوله دی دیب توصیه‌لر قیلدی.
اداغده، سمینار عالقید امیرالمؤمنین حفظه‌الله تعالی نینگ نظام مردم اوچون دعا قیلیشی بیلن توگه‌دی.
تاریخ: ۱۸ ذوالحجه ۱۴۴۶ هجری قمری
