افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین افغانستان خلق ارا بانکی (AIB) نینگ باشلیغی حرمتلی الحاج محمد ابراهیم محب بیلن اوچره شدی.
بو اوچره شووده بیرینچیدن حرمتلی الحاج محمد ابراهیم محب صحبت قیلیب مملکت اقتصادی، تجاری و سرمایه یاتقیزیش وضعیتی باره سیده همده افغانستان خلق ارا بانکی نینگ فعالیتلری توغریسیده ریاست الوزراء اداری اورین باسریگه معلومات بیردی.
شونینگدیک حرمتلی محب مزار شریف ده یوره ک و سرطان کسللیگی بوییچه تخصص شفاخانه، بیر شفاخانه کابل ده تاسیس ایتیلیشی همده ۱۰۰ مینگ دالر مهاجرلرگه یاردم کورستیدن خبر بیردی.
سونگ ریاست الوزراء اداری اورین باسری حرمتلی مولوی عبدالسلام حنفی حرمتلی الحاج محمد ابراهیم محب نی خوش کیلیب سیز دیب، مملکت آبادانلیگی اوچون تجارت و سرمایه یاتقیزیش اینگ مهم یول دیب ایتیشیچه، اسلام امیرلیگی ایچکی و تشقی تاجر همده سرمایه یاتقیزوچیلرنی هر ساحه ده حمایت قیله دی.
ریاست الوزراء اداری اورین باسری حرمتلی محب آرقلی شفاخانه تاسیس بولیشی خصوصیده توخته لیب، ساغلیق مملکت اهالی سی نینگ اینگ حیاتی و اساسی ضرورتلریدن حسابلنه دی و امیرلیک دن علاوه خصوصی سکتور هم بو یو توغریده سهم آلیشیگه احتیاج بار دیدی.
حرمتلی مولوی عبدالسلام حنفی تاجرلر همده سرمایه یاتقیزوچیلرنینگ قیتیب کیلگن مهاجرلرگه کورستگن یاردملرینی تقدیرلب، قوشنی مملکت لردن مهاجرلرنی چیقاریش کوتیلمه گن درجه ده آشگن دیب اولردن اوز کوچلریگه کوره وطنداشلریمیزگه کمک قیلیشلرینی سوره دی.
