بوگون توشدن کیین افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفي ساغلیقنی سقلش وزیرلیگی تامانیدن تشکیل ایتیلگن و دارو صناعتچیلریگه یخشی ایشلب چیقریش عملیاتی GMP تصدیق تاپشیریش مراسمده اشتراک ایتدی و نطق سوزله‌دی.
مراسم اوّلیده او ساغلیقنی سقلش وزیرلیگی رهبریتی و خادملریگه اوشبو تدبیرنی اوتکزگنی اوچون منّتدارچیلیک بیلدیریب، اوز ایشلب چیقریش فعالیتینی خلق ارا GMP معیارلریگه ماسلشتیرگن داروخانه فابریکه‌لرینی یوقاری بهاله‌دی.
ریاست الوزراء اداری اورین باسری حرمتلی مولوی عبدالسلام حنفي، اسلام امیرلیگی مملکتده ایچکی ایشلب چیقریشنی رواجلنتیریش و دارو-درمان همده آزیق-طعام صفتی اوستیدن نظارتنی کوچه‌یتیریش باره‌سیده مهم قدملر قویگن و مملکتنی دارو واسطه‌لری بوییچه اوز-اوزینی تأمینله‌ی آله‌دیگن درجه‌گه آلیب چیقیش اوچون برچه امکانیتلرنی ایشگه سالماقده.
او شونینگدیک، مرکزي و ولایتلرده‌گی نظارت گروهلری صفت سیز دارو واسطه‌لری نینگ ایشلب چیقریلیشی یاکه آلیب کیریلیشی نینگ آلدینی آلیش مقصدیده ایشگه جلب ایتیلگنینی و بونده‌ی دارولرگه رخصت بیریلمسلیگینی تأکیدله‌دی.
حرمتلی حنفی جنابلری برچه دارو ایشلب چیقرووچی ملي تدبیرکارلر و فابریکه ایگه‌لریGMP ستندردلریگه رعایه قیلیشگه و صفت سیز دارو واسطه‌لرینی ایشلب چیقریش همده وارد قیلیشدن قطع تيیلیشگه چقیردی.
اونینگ سوزلریگه کوره، صفت سیز دارو واسطه‌لری نینگ ایشلب چیقریلیشی یاکه وارد قیلینیشی نه‌فقط مملکت اقتصادیاتیگه ضرر ییتکزه‌دی، بلکه فقرالر حیاتینی هم خوف آستیگه قویه‌دی. بونده‌ی جنایتلرنی صادر ایتگن شخصلر اسلام امیرلیگی تامانیدن جوابگرلیککه تارتیله‌دی و جزالنه‌دی.
معلومات اوچون، حاضرگچه فعالیت یوریته‌یاتگن ۷۲ ته داروخانه فابریکه‌سیدن فقط‌گینه ۳ ته‌سی Snow Pharma، TJL Lifesol و ملی شفاء پامر GMP تصدیقینی قولگه کیریته آلگن.
