افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین چین خلقی جمهوریتی نینگ افغانستانده گی ایلچیسی ژاوشینگ جنابلری همده یولداش هیاتی بیلن اوچره شدی.
بو اوچره شووده چین ایلچیسی افغانستان و چین نینگ اوزاق مدتلی علاقه سینی تیلگه آلیب ایتیشیچه، بو ایکی مملکت هر دایم ایزگو علاقه ده بولیب کیلگن و چین لیک شرکتلر افغانستانگه سرمایه آلیب کیریش گه قیزیقه دیلر.
عینک مس پروژه سی نینگ قازیب چیقاریش ایشی تیزلیک ده باشله نیشی حقیده تاکیدلب و بو پروژه هر ایکی مملکت اقتصادی اوسیشی اوچون موفق بولیشی ممکن دیب، هر ایکی مملکت اورته سیده گی اقتصادی همده تجاری مناسبتلر آلدین دن کوره کوپراق بولیشی اوچون بیزلر مشترک تلاش قیله میز دیدی.
چین خلقی جمهوریتی ایلچیسی اسلام امیرلیگی یوقاری مرتبه لی هیاتی نینگ چین گه بولگن سفری یخشی یوتوقلرگه ایگه بولیشی حقیده امید بیلدیردی.
کیینچه لیک ریاست الوزراء اداری اورین باسری حرمتلی مولوی عبدالسلام حنفی بیزلر اوشبو سفرده چین خلقی جمهوریتی نینگ ایریم بلند مرتبه لی رسمیلری دن علاوه او مملکت اکادمیک نهادلری همده تجارتی و اقتصادی کمپنیلری بیلن کوریشه میز دیدی.
اونینگ سوزلریگه کوره: مذکور سفر جریانیده اسلام امیرلیگی نینگ تورلی بولیملرده گی یوتوقلری شرح بیریلیش دن علاوه، چین تاجرلری و سرمایه یاتقیزوچیلری همده چین – جنوبی آسیا توقیزینچی کورگزمه سی و فورمی اشتراکچیلریگه هم افغانستان ده سرمایه یاتقیزیش بوییچه یخشی فرصت لردن فایده له نیشگه ایشانچ بیره میز تاکه تورلی بولیملرگه سرمایه آلیب کیرسه لر.#
