بوگون حرمتلی رییس الوزراء باشچیلیگیده بولیب اوتگن افغانستان اسلام امیرلیگی کابینه سی نینگ اون توقیزیغنی ییغینیده ایریم موضوعلر اوستیده بحث آلیب باریلدی.
قرآنکریم دن بیر نیچه آیت تلاوت قیلینیشی بیلن باشلنگن جلسه مملکت نینگ اقتصادی، اجتماعی و فرهنگی مهم موضوعلری اوستیده بحث آلیب باریلیب قرار قبول قیلیندی.
کابینه نینگ اوشبو ییغینیده مهاجرلر بوییچه عالی کمیسیونگه مهاجرلرگه شهرچه قوریش اوچون ییر اختصاصلشتیریلگن ولایتلرده، مملکت گه قیتیب کیلگن مستحق و شرایط گه تینگ مهاجرلرگه ییر توزیع قیلیشنی باشلنیشی وظیفه بیریلدی. ییر توزیع بولیشی بیلن مهاجرلر اوزلریگه باش پنه قوریش نی باشله‌یدیلر.
شونینگدیک اوشبو کمیسیون نینگ برچه کمیته لری قیتیب کیله دیگن مهاجرلرگه تیگیشلی ایشلرگه توجه قیلیب تثبیت بولگن شهرچه لرگه اوز وظیفه لرینی بجریشلری اوچون موظف قیلیندیلر.
مذکور ییغین ده معلومات و احصاییه ملی اداره سیگه ایرانده یشاوچی افغانلر کیملیگی تثبیت بولیب تذکره، پاسپورت، تحصیل دوامی و باشقه بولیملرده وطنداشلریمیزگه لازم سهولت کیلیشی اوچون اقدام قیلیب او مملکت گه هیات یوباریشی اوچون وظیفه تاپشیردی.
کابینه‌نینگ اوشبو ییغینی دعا قیلینیشی بیلن توگه‌دی.
