افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی یونیسف عملیاتی اجراییه مدیری اورین باسری تد چایبان جنابلری و یولداش هیاتی بیلن اوچره شدی.
اوچره‌شووده تد چایبان جنابلری افغانستاننی ینه بیر بار کودیشیدن خرسندلیک قیلیب اسلام امیرلیگی آرقلی مثبت ایش بجریلگن دی دیب یونسیف بیلن افغانستان اسلام امیرلیگی اورته‌سیده همکارلیک کینگشیگه تاکیدله‌دی.
او یونسیف نینگ افغانستان ده گی انکشافی ستراتیژیک ریجه سب باره سیده اشاره قیلیب ایتیشیچه، اوشبو تشکیلات محلی اقتصاد و ایچکی تولیدات نی حمایت قیله دی و عین حالده باله لرنی توییب آوقتلنمسلیگیگه سبب بوله دیگن موادلر ایشلب چیقاریلیشی نینگ آلدینی آله دی.
یونسیف اجراییه مدیری اورین باسری اطمینان بیریب ایتیشیچه، بو تشکیلات معارف همده اولکه گه قیتیب کیلگنلرگه کمک قیله دی و اقتصادی برنامه لرنی کینگه‌یتیریش و انکشاف بیریش بیزلرنینگ اولویت دیر و اولکه گه قیتیب کیلگنلرگه ایش زمینه سی یره تیلیشی اوچون هم تلاش قیله میز.
کیینچه لیک ریاست الوزراء اداری اورین باسری حرمتلی مولوی عبدالسلام حنفی یونسیف عملیاتی اجراییه مدیری اورین باسری تد چایبان جنابلری همده یولداش هیات بیلن اوچره‌شگنیدن خرسندلیک قیلیب، یونیسف نینگ افغانستان مردمی و اینیقسه قوشنی مملکتلردن چیقاریلگن مهاجرلرگه همکارلیک قیلگنیدن منتدارچیلیک بیلدیردی.
او سونگگی آی لرده اولکه گه قیتیب کیله دیگنلر سانی کوپیگنی و اولرنی تیرگش اوچون اسلام امیرلیگی تامانیدن کوریلگن چاره تدبیرلرنی تیلگه آلیب یونیسف و باشقه خلق ارا نهادلردت مهاجرلرنینگ دایمی یشش اویی و اولرنینگ حقوقی میزبان اولکه لر طرفیدن تامینله نیشی خصوصیده خاص توجه قیلیشلرینی سوره‌دی.#
