عالیقدر امیرالمؤمنین حفظه الله تعالی بوگون توشدن آلدین قندهارده کابل شهرداری هم حضوری بولگن شهردارلیکلر مسووللری اوچون اویوشتیریلگن بیر کونلیک آموزشی واصلاحی سمینارده اشتراک قیلیب نطق سوزله دی.
اوشبو سمینار مبارک قرآن کریم دن بیر نیچه آیت تلاوت قیلینیشی بیلن باشلندی و سونگ عالیقدر امیرالمؤمنین حفظه الله تعالی نطق سوزلب سمینار قتنشوچیلریگه لازم بویروقلر بیردی.
عالیقدر امیرالمؤمنین حفظه الله تعالی او برچه شهردارلرنینگ خذمتلرینی تقدیرلب شونینگدیک اولرگه مهم توصیه لر قیلدی. عالیقدر امیرالمؤمنین حفظه الله تعالی اوز صحبتلریده مسوولیت بیر افتخار ایمس بلکه مردم حقوقی برابریده بیر امانت و مسوولیت دیدی.
اونینگ قوشیمچه قیلیشیچه، حاضر مردم برابریده مسوولیتلرینگیز بار و اولرنینگ حقوقلرینی شرعی صورتده سقلب و اولرگه خذمت قیلیشلرینگیز کیره ک.
اونینگ اوز صحبتلریده شهردارلرگه ایتیشیچه، شهردارلیکلر پولی مردم نینگ پولی وحقوقی دیر و مردم ایسه بولرنی عامه خذمتی اوچون سیزلرگه بیره دیلر، دیمک اولرنی مردم نینگ خوشحاللیگیگه سبب بوله دیگن ایشلرگه مصرف قیلیگن.
عالیقدر امیرالمؤمنین حفظه الله تعالی اوزی نینگ صحبتلری اداغیده، افغانستان مردمی اوروشلردن کوپ زیان کورگنلر و حاضر ایسه شفقت و رحم گه سزاوارلر، بنابرین مردم بیلن ایزگو یانده شیب اولرگه یاردم بیرینگلر و اولرنینگ اوستیگه زور و جبردن ایش آلمنگ، مردمنی باسیم استیگه آلمنگ، شهرلر تنظیف و پاکلیگی اوچون کوپراق تلاش قیلینگلر، عامه مصالح و بیت المالنی حفاظت قیلینگ، اوزلرینگیزنی غفلت دن سقلنگ، شریعت ده پایدار بولینگ، و حاضر مردم سیزلرنینگ ایش و خذمتلرینگیزدن خوشحال بوله دیلر دیدی.
سونگ اوشبو سمینار مردم و نظام اوچون عالیقدر امیرالمؤمنین حفظه الله تعالی تامانیدن یکونی دعا قیلینیشی بیلن توگه دی.
والسلام
۱۴۴۶/۱۱/۲۳ هـ ق
