افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آذربایجان جمهوریتی خنکندی شهریده ازبیکستان جمهور رییسی حرمتلی شوکت میرضیایف بیلن کوریشدی.
بو اوچره شووده هر ایکی تامان سیاسی، اقتصادی، تیمیر یول، تجارت و ترانزیت باره سیده صحبت قیلدیلر.
حرمتلی ملا عبدالغنی برادر آخند دستلب ازبیکستان جمهوریتی نینگ افغانستان باره سیده دنیا بویلب مثبت و واقع بینانه موضع گیرلیگیدن منتدارچیلیک قیلیب هر ایکی مملکت اورته سیده گی ایزگو علاقه لر دوام ایتیشی طلب قیلدی.
حرمتلی ملا صاحب نینگ ایتیشیچه، حاضرگی کونده افغانستان ازبیکستان اورته سیده تجارت سطحی بیر میلیارد دالرگه کوتریلدی بو ایسه اوتمیش گه قره گنده ۶۰ فایز کوپیگن دیر. بیزلر بو میزان ایسه کیله جکلرده ایکی میلیارد دالرگه کوتریلیشینی امید ایته میز.
کیینچلیک ازبیکستان جهور رییسی حرمتلی شوکت میرضیایف نینگ سوزلریگه کوره، اسلام امیرلیگی کیلیشی بیلن افغانستان ده تورلی بولیملرده رواجله نیش یوزه گه کیلگن و ازبیکستان ایسه افغانستان واقعیت لرینی دنیا بویلب قاله ویرسه بیرلشگن ملتلر تشکیلاتیده کوتریش ده تلاش قیله دی.
میرضیایف گه کوره، مملکتی مزار – هرات – قندهار تیمیر یولی پروژه سی، نساجی فابریکه ایجاد بولیشی، سمنت ایشلب چیقیاریش، تیل تصفیه خانه لری، توز کانی قازیب ایشلب چیقاریلیشی، الکترونیکی حکومت و باشقه بولیملرگه افغانستانگه سرمایه یاتقیزه دی.
اونینگ قوشیمچه قیلیشیچه، ۵۰۰ کیلوولت برق لینینی تمدید ایتیش پروژه سی تیزلیک ده افغانستان آرقلی تکمیل ایتیلگن حالده، وارداتی برق میزانی هم کوپیه دی.
شونینگدیک شوکت میرضیایف، افغانستان محصولاتی اینیقسه زراعتی محصولات ازبیکستان آرقلی مرکزی آسیا و روسیه گه آلیب اوتیش اوچون تیگیلیشی اداره لرگه لازم هدایت بیریله دی دیدی. شو کبی اون بانکی انتقالات، افغانلرگه ویزه بیریش و افغانی محصولات ساتیش اوچون ترمذ خلق ارا تجارت مرکزیده سهولت ایجاد بولیشی حقیده تاکیدله دی.
شونینگدیک؛ هر ایکی تامان بحث بولگن موردلرنینگ عملی فعالیتی باشله نیشی اوچون مشخص ایش کانلری ایجاد و کوچه یتیریلیشی اوچون کیلیشدیلر.
یکونده هر ایکی تامان ایسله تیلگن موردلر پیگیرلیک و آلغه آلیب باریلیشی اوچون افغانستان تامانیدن حرمتلی ملا عبدالغنی برادر آخند باشچیلیگیده و ازبیکستان تامانیدن باش وزیر باشچیلیگیده بیر مشترک بیر گروه ایجاد بولیشی توافق قیلیندی. بو مشترک گروهی هر اوچ آیده بیر بار اولتیریش قیله دی و تیگیشلی کمیته لر آرقلی آلغه سیلجیشلر و فعالیتلر اجرایی توری تیکشیریله دی.#
