افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر دوا ایشلب چیقاریش فابریکه لرینی تقدیرلش مراسمیده اشتراک قیلدی. مراسم بوگون ساغلیقنی سقلش وزیرلیگیده بولیب اوتدی.
انه شو مناسبت بیلن ساغلیقنی سقلش وزیرلیگی اویوشتیریلگن مراسمده چیقیش قیلگن حرمتلی ملا عبدالغنی برادر ساغلیق نطقه نظردن صفتلی دارولر انسانی سالم جامعه نی تضمین قیله دی و حلانکه صفت سیز دارولر انسان ساغلیغیگه زیان ییتکزه دی دیدی. اونگه کوره، بو توغریده گی مسوولیتنی تولیق اخلاص، تعهد و امانتدارلیک بیلن بجریش دخیل بولگن برچه بولیملرنینگ اساسی مسوولیتی دیر.
حرمتلی ملا صاحب نینگ قوشیمچه قیلیشیچه، مملکت ده داو ایشلب چیقاروچی فابریکه لر ملی و خلق ارا معیارلرگه تینگ دارو ایشلب چیقارگن حالده، یالغوز بیر یوتوق بولمه ی، بلکه مملکت نی وارداتی داروگه بولگن احتیاجینی برطرف ایتیه دی و بو بولیمده بولگن احتیاج مملکت ایچکریسیده برطرف قیلینه دی.
ریاست الوزراء اقتصادی اورین باسری دارو ایشلب چیقاره دیگن فابریکه لر ایچیده بوگون فقطگینه اوچ فابریکه خلق ارا معیارلرگه تینگ دارو ایشلب چیقارگنی اوچون جی ام پی سرتیفکیتیلرگه ایگه بوله دیلر، بونی مذکور کارخانه لر مسووللریگه ییریک بیر یوتوق دیب بیله یمن و اوز تامانیدن بونی تبریکله یمن دیدی.
وارداتی دارولرگه تکیه قیلیشنی ملی اقتصاد ضرریگه دیگن حرمتلی ملا صاحب گه کوره، وارداتی دارولر بیر تامانیدن یوقاری قیمت گه تمام بولسه و باشقه بیر تامانیدن اسعارنینگ چیقیشیگه سبب بوله دی. بو مهم نیازنی اعتبارگه آلگن حالده، دارو ایشلب چیقاره دیگن فابریکه لردن ملی و خلق ارا معیارلرگه مطابق دارونینگ صفت و سانیگه توجه قیلیشلرینی سوره دی.
حرمتلی ملا عبدالغنی برادر آخند، برچه خارجی و ایچکی سرمایه یاتقیزوچیلرگه بوندن کیین امیرلیکی اداره لری اقتصادی ایشلریگه تیگیشلی پروسه لر ساده، منظم، تیز و قیسقه بوله دی دیب ایشانچ بیردی.
حرمتلی ملا صاحب گه کوره، بو تووغریده عالیقدر امیرالمؤمنین شیخ صاحب اداره امورنینگ رهبرلیکی کمیته سیگه بو بولیمگه منظم بیر طرزالعمل توزه تیشی اوچون وظیفه تاپشیرگن.
حرمتلی ملا صاحب برچه سرمایه یاتقیزوچیلردن باشقه سکتور یانیده ساغلیق سکتوریگه هم سرمایه آلیب کیریشلرنی سوره دی. یکونده ریاست الوزراء اقتصادی اورین باسری امیرلیک نینگ بوتون اداره لریدن عالیقدر امیرالمؤمنین شیخ صاحب فرمانی اساسیده ایچکی تولیدات دن فایده له نیشلرینی ایسته دی و ایچکی صفتلی طبی محصولات گه اولویت بیریب و تدارکاتی باسقیچ ده بو موضوع گه جدی توجه قیلیشلرینی طلب قیلدی.
ایتیش کیره ک که بوگو سنو فارما، ملی شفاء و تی جی ال دارو ایشلب چیقاریش فابریکه لریگه صفتلی دارو ایشلب چیقارگنلری اوچون خلق ارا ایشانچلی جی ام پی سرتیفیکیتلری بیریلدی. اوشبو حجت اولرگه اوز طبی محصولاتلرینی چیت دولتلرگه صادر قیلیشگه رخصت بیره دی.#
