افغانستان اسلام امیرلیگی ریاست الوزراء مقامی عمومی دفتری حرمتلی داکتر ملا عبدالواسع باشچیلیگییده ۱۴۴۷- ییل هجری قمری ییل بیرینچی اداری ییغینی بوگون توشدن آلدین ارگ نینگ چهارچنار قصریده بولیب اوتدی.
ریاست الوزراء عالی مقامی عمومی دفتری نینگ عمومی علاقه و استراتژیک ایشلر بوییچه اورین باسری حرمتلی قاری عبدالستار سعید، تورلی اداره لر باشلیغلری و اداری اورین باسرلیک دفتری نینگ عمومی باشلیغی حضوری بولگن بو ییغین ده حرمتلی داکتر ملا عبدالواسع بوندی ییغینلرنی ایشلرنی یخشیلش، هماهنگلیک، همکارلیک و یخشی خدمت قیلیش اوچون فایده لی دیب ایتدی.
ریاست الوزراء عالی مقامی عمومی دفتری باشلیغیگه کوره، مسووللر کمچیلیکلر و موجود قیینچیلیکلرنی اساسی صورتده حل قیلیشی، ایچکی هماهنگلیک و متقابل حرمت و اوز مسوولیتلرینی ایزگو بیر شکلده بجریشلری کیره ک. شونینگدیک ایشلر یخشیله نیشی و مصرف نی کمه یتیشر مقصدیده دایمی تلاش درکار دیدی او.
سونگ قصرلرنی سقلش و مراقبت ایتیش ریاستی باشلیغی حرمتلی مولوی صالح محمد مصلح، تخنیک و ترانسپورت ریاستی باشلیغی حرمتلی مولوی محمد داوود محمدی، تدارکات ریاستی باشلیغی حرمتلی مولوی گلزار احمد حقانی و ریاست الوزراء اداری اورین باسرلیگی نینگ دفتر باشلیغی حرمتلی مولوی عبدالخلیل روحانی موضوعلر، احتیاجلر و اداره لریگه تیگیشلی ایستکلر نی اظهار قیلدیلر.
شونینگدیک آجند اساسیده، آزاد بحث بولیمیده مطرح بولگن موضوعلر باره سیده تورلی اداره لر نماینده لری اوز قرش، پیشنهاد و معلوماتلرینی شریک قیلدیلر و مذکور ییغین خیر دعاسی بیلن توگه دی.
