افغانستان اسلام امیرلیگی ریاست الوزراء اداری اورین‌باسری حرمتلی مولوی عبدالسلام حنفی بوگون پکتيا ولایتیده بیر مراسم آرقلی مهاجرلر اوچون قوریله‌جک ینگی شهرچه‌نی آچدی.
شهرسازلیک اوی-جای وزیرلیگی سرپرستی مولوی حمدالله نعماني، مهاجرلر و قَیتگنلر ایشلری وزیرلیگی نینگ اورین‌باسری، ولایت حاکمی همده باشقه محلي رسميلر آرقلی یولداش لیک قیلینگن ریاست الوزراء اداری اورین باسری دارالقرار ناملی ینگی شهرچه‌نی آچیب بیردی.
ینگی شهرچه ایککی مینگ جیریب ییرده قوریله جک بولیب، ۸۹۰ ته اوی-جایدن عبارت اونده مسجد، مکتب، باغ، ساغلیقنی سقلش مرکزی، سودا مرکزلری و ایچیملیک سووی تیزیمی کبی ضرور موجود بولیب، شونینگدیک، قطر قیزیل خاچ جمعیتی و قطرلیک سخاوتلی آپه-سینگیللر کومه‌گیده ۱۰۰ ته اوی-جای علیحده قوریلیشی ریجه‌لشتیریلگن.
حرمتلی مولوی عبدالسلام حنفی اوز نطقیده قطر تامانی کورستگن انسانپرورلیک یاردمی اوچون منّتدارچیلیک بیلدیریب، شونده‌ی دیدی: افغانستانلیک مهاجرلر باسقین دوریده اوز دینلری و قدریتلرینی حمایه قیلیش اوچون قوشنی مملکتلرگه چیقیشگه مجبور بولگن ایدیلر، بوگون ایسه اولر جبرن وطنگه قَیتریله‌یاتگن بیر وقتده، بیز اولرنی قوللب-قوّتلشیمیز لازم.
حرمتلی مولوی عبدالسلام حنفی شونینگدیک، مهاجرلر معمالرینی حل قیلیش اوچون اسلام امیرلیگی تامانیدن مخصوص عالی کمیسیون تشکیل ایتیلگنینی ایسله‌تیب، اسلام امیرلیگی رهبریتی و مسووللری اولرنی مناسب یشش بیلن تأمینلش اوچون دایمي حرکت قیله‌یاتگنینی تأکیدله‌دی.#
