اقتصادی کمیسیون نینگ نوبت ده گی ییغینی افغانستان اسلام امیرلیگی ریاست الوزراء اقتصادی اورین باسری حرمتلی ملاعبدالغنی برادر آخند باشچیلیگیده مرمرین قصریده بولیب اوتدی.
بو ییغین ده افغانستان اسلام امیرلیگی اقتصادی پالیسی سی بحث گه تقدیم قیلیندی و هر تامانلمه تیکشیرودن سونگ، تصدیقلندی.
مذکور اقتصادی پالیسی نینگ قره شی (رواجلنگن و مرفه افغانستان اسلامی اقتصادی نظام بنیای اساسیده) اونینگ مقصدی (سرمایه گذارلیک نی کینگیشتیریش وجذب ایتیش اوچون مناسب محیط یره تیش؛ ایچکی ایشلب چیقاریشنی آشیریش و صارد ایتیش؛ ایش جایلرینی کوپه یتیریش و قشاقلیکنی کیمه یتیریش؛ اقتصادی اوسیش و رواجله نیش؛ اقتصادی ثبات تامینله نیشی، رفاع و اجتماعی اسلامی عدالت) دیر.
اوشبو اقتصادی پالیسی مملکت اقتصادی فعالیتلرینی هماهنگلشتیریش، منبعلردن یخشی فایده له نیش و خصوصی سکتورنی حمایت قیلیش ده مهم رول اوینه شی ممکن.
شونینگدیک بو ییغین ده مالیه وزیرلیگیگه بغلان ولایتی مرکزی پلخمری نینگ ۱۳ ته قیشلاغیده برق ترماغی پروژه سینی تمدید ایتیش اوچون ۱۴۰۴ – مالی ییل ده ضرورت بولگن بودجه نی اختصاصلشتیریش و بو پروژه افغانستان برشنا شرکتی آرقلی عملگه آشیریلیشی اوچون هدایت بیریلدی.
ییغین سونگیده، بلخ ولایتی نینگ ارشاد، حج و اوقاف وزیرلیگی ییریده تجارتی مارکیت قوریش لایحه سی تصدیقلندی. اوشبو لایحه اساسده، خصوصی سکتور ۷۴۰ میلیون افغانی سرمایه یاتقیزیش کوتیله دی بو ییرده سکیز قوت دن عبارت بیر مارکیت قوریله دی بونده توپلم ۸۷۸ دکان نظرده توتیلگن.
شونینگدیک سرپل ولایتی شهردارلیک ییریده هم تجارتی مارکیت قوریش لایحه سی تصدیقلندی. بو لایحه گه کوره، خصوصی سکتور معیاری بیر تجارت مارکیت قوریش اوچون ۹۶ میلیون افغانی سرمایه یاتقیزیشی مول‌جللنگن.
اوشبو قرارلر تصدیقله نیشی اوچون عالیقدر امیرالمؤمنین شیخ صاحب دفتریگه یوباریلدی.#
