افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون کیچ ای ایچ ایچ خیریه موسسه سی نینگ مسوللری بیلن اوچره شدی.
بو اوچره شووده بیرینچیدن مذکور موسسه نینگ رهبرلیک هیات عضوی حرمتلی یوسف بیلگین باشقه لر نماینده لیگیده اوشبو موسسه نینگ فعالیتی، ایشلری و برنامه لری حقیده گپیردی.
اونینگ سوزلریگه کوره، مذکور موسسه هنوزگچه افغانستان نینگ تورلی ولایتلریده معارف، مسجدلر و دارالایتاملرنی قوریش توغریسیده دییرلی کمک قیلگن و بونینگ مسووللری اوز فعالیتلرینی اوشبو بولیمده باشقه ولایتلرده هم کینگیتیریش ده تلاش قیله دیلر.
حرمتلی یوسف بیلگین بو موسسه تامانیدن افغان مهاجرلریگه کورسه تیلگن یاردملرنی تیلگه آلیب شونینگدیک بو موسسه اولکه گه قیتیب کیلگن مهاجرلرگه، مهاجرلر شهرچه سیده اوی جای قوریب بیریش ده همکارلیک قیلیشی ممکن دیدی.
کیینچه لیک ریاست الوزراء اداری اورین باسری حرمتلی مولوی عبدالسلام حنفی ای ایچ ایچ خیریه موسسه سی مسووللری بیلن اوچره شگنیدن خرسنلیک قیلیب بو موسسه نینگ افغانستان مردمیگه کورستگن یاردملریدن قدردانلیک بیلدیردی.
شونینگدیک ریاست الوزراء اداری اورین بساری غیر دولتی تشکیلاتلر فعالیتی اینیقسه خیریه موسسه لرنینگ مردم گه بولگن کمکلرینی جوده اهمیتلی دیب اولردن اوز فعالیتلریدن مملکت نینگ برچه ولایتلریده کینگیتیریشلرینی ایسته دی.#
