افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون بیر قطار ییتکرمه لرنینگ مسووللری همده بیر قنچه سیاسی تحلیلچیلر بیلن اوچره شدی.
دستلب سیاسی تحلیلچیلرنینگ ایتیشلریچه، هر بیر نرسه دن کوره اسلامی و ملی قدریتلر اولویت دیر و ییتکرمه لر میدانیده افغانستان واقعیتلرینی مردم و دنیا بیلن شریک قیلیشگه سعی و حرکت قیله دیلر و اسلام امیرلیگی برابریده گی نا توغری تبلیغلرنینگ آلدینی آله دیلر.
سیاسی بیلیمدانلرنینگ کوپه یتیریب تاکیدلشلریچه، مملکت ده اسلام امیرلیگی موفقیت گه ایریشگندن سونگ بیر قنچه قیین چیلیکلر حل بولگن و اصلاحات کیلگن، رواجله نیشلر هم بار اولر هم دواملی سقله نیشی کیره ک دیر.
اولرنینگ قوشیمچه قیلیشلریچه، افغانلر ارا ملی بیرلیک، برادرلیک مملکت ترقیاتیگه سبب بولگن مردم همده حکومت اورته سیده گی فاصله یوق ایتیلگن.
شونینگدیک مذکور سیاسی تحلیلچیلر، اسلام امیرلیگی نینگ حاضرگی نظامی اوتگن بیر قرن ده سابقه سیز دیر، ملت و حکومت ایسه مشترک شکلده اسلامی نظام و عمومی خوفسیزلیک برقرارلیگی اوچون ایشلشلری درکار.
عین حالده بو سیاسی تحلیلچیلر همده ییتکرمه لر مسووللری اوز پیشنهادلرینی ایلگری سوریب ایتیشلریچه، سیاسی تحلیلچیلر و ایچکی ییتکرمه لر حمایتی اسلام امیرلیگی و افغانستان فایده سیگه تمام بولگن دیدیلر.
ریاست الوزراء سیاسی اورین باسری حرمتلی مولوی عبدالکبیر ییتکرمه لر مسووللری همده سیاسی تحلیلچیلرنی مختب ایتیشیچه، برچه دولت اداره لری دروازه سی افغانلر یوزیگه آچیق دیر و هر بیر وطنداشیمیز قیینچیلیگی حل و یخشی حکومت چیلیک اوچون اوز مصلحت و مشوره لرینی مسووللر بیلن شریک قیله آله دیلر.
حرمتلی سیاسی اورین باسر، اسلام امیرلیگی مسوول همده حاکم نظام صفتیده ایچکی همده تشقی سیاستلریده یخشی یوتوقلرگه ایریشگن و عین حالده دنیا و منطقه ده بیر قطار مملکت لر بیلن رسمی تعاملی بار. ملت و خلق اورته سیده گی بیرلیک ایچکی سیاسی اوچون اساسی چیزیق حسابلنه دی دیدی.
حرمتلی مولوی عبدالکبیر، اسلام امیرلیگی نینگ قوشنی مملکتلر قوشیمچه هیچ بیر اولکه بیلن قیینچیلیگی یوق و دوحه کیلیشوویگه متعهد ایکنلیکلرینی تیلگه آلدی.
ریاست الوزراء سیاسی اورین باسری نینگ کوپه یتیریشیچه، اسلام امیرلیگی افغانلرنینگ مشترک قربانلیگی نتیجه سیده اورگه کیلگن و برچه ایس بونینگ کوچه یتریش اوچون تلاش قیلیشی لازم.#