افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تیناون کیچ ایران دن قیتگن مهاجرلر و اولرنی اوز منطقه لریگه ییتکزیش جریانینی کابل ده کوزدن کیچیردی.
بو کوزدن کیچیریش جریانیده ریاست الوزراء اداری اورین باسری مهاجرلر قیتیب کیلیشی و اولرنی ولایت همده تیگیشلی منطقه لریده یوباریش نی یقین دن نظارت قیلیب و مسووللرگه اولرنینگ ایشلریگه وقتیده ییتیشیش خصوصیده تاکیدله دی.
حرمتلی مولوی عبدالسلام حنفی مهاجرلرگه ساغلیقنی سقلش، آزیق آوقت و سوو کبی تورلی خذمتلرنی ارایه ایتگنی اوچون تعین بولگن هیات نینگ تلاش لریدن منتدارچیلیک قیلیب، مهاجرلرگه اسلام امیرلیگی اوز کوچیگه کوره یخشی یشش اوچون شرایط یره تیب بیریش گه اولگوره دی.
ریاست الوزراء اداری اورین باسری اولکه گه قیتیب کیلگن وطنداشلریمیزنینگ قیینچلیک و ایستکلرینی تینگلب تیگیشلی مسووللرگه مهاجرلرنینگ اساسی احتیاجلرنی تیرگش اوچون بویروق بیردی.
یکونده حرمتلی مولوی عبدالسلام حنفی اولکه گه قیتیب کلگنلرگه وطنداشلریمیزنینگ تورلی ساحه لرده قیلگن همکارلیکلریدن تشکرلیک بیلدیریب ایتیشیچه، اسلام امیرلیگی مملکت بوتون یشاوچیلری نینگ اولکه گه قیتیب کیلگنلر برابریده گی چاره تدبیرلرنی افتخار بیلیب همده بو افغانستان ملتی اورته سیده گی ایناغه چیلیک و بیردملیک نینگ آچیق بیلگیسی دیر.