افغانستان اسلام امیرلیگی باش وزیری نینگ اقتصادي مسأله‌لر بوییچه اورین‌باسری حرمتلی ملا عبدالغنی برادر آخند بوگون کابل ولایتی نینگ استالف تومنیده مییزنی قَیته ایشلش فابریکه‌سینی طنطنه‌لی طرزده آچدی.
حرمتلی ملا عبدالغنی برادر اخند اوشبو فابریکه‌نی فعالیت باشلشی قیشلاق خوجه‌لیگی محصولاتلری نینگ قیمتینی آشیریش یولیده مهم قدم دیب اته‌دی و ایتدیکی، بو بیلن منطقه اقتصادیاتی جانلنه‌دی، صادرات ستندردلشه‌دی و یوزلب کیشی ایش بیلن تأمینلنه‌دی بو ایسه مملکت اقتصادي رواجلنیشیگه سیزیلرلی درجه‌ده یاردم بیره‌دی.
اقتصادي اورین‌باسر تأکیدله‌دی، اسلام امیرلیگی باشقه ساحه‌لر قطاری قیشلاق خوجه‌لیگیگه هم علیحده اعتبار قره‌تگن و قیشلاق خوجه‌لیگی اقتصادیاتینی رواجلنتیریش مقصدیده سوو بندلرینی باشقریش بوییچه تورلی لایحه‌لرنی باشله‌گن.
حرمتلی ملا جنابلری ایتدیکی، اسلام امیرلیگی منطقوي و خلق ارا دولتلرگه قیشلاق خوجه‌لیک محصولاتلرینی صادر قیلیش اوچون قوله‌ی شرط-شرایطلر یره‌تگن، بو محصولاتلر اوچون بازار تاپیش مقصدیده کورگزمه‌لر تشکیل ایتگن و مملکتده ایشلب چیقریله‌دیگن محصولاتلرگه رقابتچی بولگن وارداتی تاو‌رلریگه باج ستوکه‌لرینی آشیرگن.
حرمتلی ملا جنابلری شونینگدیک ایتدیکی، اسلام امیرلیگی قیشلاق خوجه‌لیگینی مستحکملش مقصدیده محلي محصولاتلردن فایده‌لنیشنی اوستوار دیب بیلگن، سوغعاریش تیزیملرینی یخشیلش، ساووتکیچ انبارلری، قَیته ایشلش و قداقلش خانه‌لرینی قوریش باره‌سیده هم یوتوقلر قولگه کیریتیلگن.
او صادر قیلینه‌دیگن قیشلاق خوجه‌لیک محصولاتلری نینگ صفتی و قداقلنیشیگه علیحده اورغو بیریب، بونی افغانستان نینگ خلق‌ارا نفوذی و سودا علاقه‌لری اوچون مهم عامل دیب بهاله‌دی.
ملا عبدالغنی برادر اخند ایتدیکی، اسلام امیرلیگی سودا حجمینی آشیریش اوچون منطقوي انتیگراسیون‌گه کتّه اعتبار قره‌تگن و خداگه شُکرکی، حاضر افغانستان تیمیر یول ترماغی کینگه‌یگن - بو آرقه‌لی افغانستان نینگ کوپلب مملکتلر بیلن سودا علاقه‌لری مستحکملنگن.
او شونینگدېک تأکیدله‌دی: اسلام امیرلیگی «لزوریت یۉله‌گی»نی تولیق فعال حالگه کیلتیریشگه اینتیلماقده و بو باره‌ده لاجورد ایکو تشکیلاتی نینگ سونگگی ییغیلیشیده هم اوشبو یولکده اشتراک ایتووچی دولتلر بیلن مذاکره‌لر اوتکزگن، شونده افغانستان اروپا بازارلریگه چیقیش امکانیتیگه ایگه بوله‌دی.
فابریکه آچیلیش مراسمیده باش وزیرلیک اقتصادي اورین‌باسری مملکت اقتصادي رواجیده خصوصي سکتور و سرمایه یاتقیزوچیلر نینگ رولینی مهم دیب بهاله‌دی و اولرگه تورلی ساحه‌لرده قوله‌یلیکلر یره‌تیلگنینی بیلدیردی.
او ایتدیکی، برچه اینویستارلر قیشلاق خوجه‌لیگی و صناعت بیلن بیرگه، کانچیلیک، انرژی، علاقه، ترانسپورت و خدمتلر ساحه‌لریده هم سرمایه کیریتیشلری ممکن.
تدبیر یکونیده، باش وزیرلیک اقتصادي اورین‌باسری "افغان سمون" مییزنی قَیته ایشلش فابریکه‌سی مسووللری نینگ سرمایه و فعالیت باشلشینی آلقیشله‌دی و اولرگه هر تامانله‌مه همکارلیک وعده بېردی.
حرمتلی ملا جنابلری اوشبو فابریکه‌گه رهبرلیک قیلووچیلردن صفتگه و ستندردلی قَیته ایشلش همده قداقلشگه اوستوار اهمیت بیریشنی سوردی.
قید ایتیش لازمکی، سمون مییزنی قَیته ایشلش فابریکه‌سی ۱۲۸ جریب ییر میدانیده قوریلگن بولیب، ۸ میلیون امریکا دالری سرمایه کیریتیلگن. فابریکه ییلیگه ۱۰ مینگ تُن مییزنی قَیته ایشلش قوّتیگه ایگه. اوشبو فابریکه‌ده قَیته ایشلنگن مییز روسه، سعودیه عربستانی، بیرلشگن عرب امیرلیکلری، هندستان، کانادا، امریکا، بویوک بریتانیا و شرقي آسیا مملکتلریگه صادر قیلینه دی.#
