افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر باشچیلیگیده ملی تدارکات کمیسیونی نینگ نوبت ده گی جلسه سی بولیب اوتدی.
بوگون مرمرین قصریده بولیب اوتگن اوشبو ییغیلیش ده ملی تدارکات کمیسیونی نینگ نوبت ده گی جلسه سی آجندا اساسیده تصدیقله نیش مقصدیده ۲۷ پروژه نی تقدیم قیلدی.
بو توغریده آلیب باریلگن بحث دن سونگ ۱۸ ته پروژه تعدیل، اوچ پروژه تصدیق و اوچ پروژه ایسه بیکار قیلیندی. شونینگدیک باشقه اوچ ته پروژه گه تعین بولگن کمیته لرگه پروژه لر قیمتی توغریسیده یوتگن شرکتلر بیلن مذاکره قیلیب و اونینگ گزارشینی ملی تدارکات کمیسیونی رهبریتی تقدیم قیلیشی تاپشیریلدی.
باشقه تاماندن ملی تداراکات کمیسیون تخلف قیلگنی اوچون افغان کندمک شرکتی ایکی ییلگچه و رفیع خالد تجارتی شرکتی ایسته آلتی آیگچه هر قسم پروژه گه اشتراک قیلیش دن محروم قیلیندیلر.
ایسله تیلگن شرکتلر وزیرلیکلر همده تیگیشلی اداره لر بیلن کیلیشیب ایکی پروژه نی یوتگن ایدیلر و مذکور پروژه لر ملی تدارکات کمیسیونی تامانیدن اولرگه تصدیقلنگن ایدی، لیکن بو شرکتلر قیمت و تدارکاتی شرایط سبب پروژه نی تطبیق و تکمیل ایتیشدن واز کیچگنلر و بو ایسه ملی پروژه لر عملگه آشیریلیشی کیچیکتیریلیشیگه سبب بولگن.
شونینگدیک تعدیل بولگن پروژه لر ایچیده قوش تیپه کانالی نینگ بیر بولیمی، ارزگان ولایتی چنارتوی اولسواللیگی شفلوغ بندی، هلمند ولایتی سنگین اولسواللیگی نهرالسراج کانالی بیرینچی لاتی، قندهار – سپین بولدک یولی ایکینچی بولیمی، ایریم ولایتلرده برق پروژه لرینی جهازلش و اوزاق منطقه لرده صفتلی مخابراتی و انترنیت خذمتلرینی تقدیم ایتیش دن عبارت دیر.
بو پروژه لرنینگ توپلمی خرجتی ۱۸ میلیارد افغانی دیر که افغانستان اسلام امیرلیگی تامانیدن توله نیله دی.#
