اقتصادنی رواجلنتیریش مقصدیده، صنعت سکتوری و اسلام امیرلیگی هماهنگلیک ییغینی بولیب اوتدی

اقتصادنی رواجلنتیریش مقصدیده، صنعت سکتوری و اسلام امیرلیگی هماهنگلیک ییغینی بولیب اوتدی

افغانستان اسلام امیرلیگی ریاست الوزراء عمومی دفتری مقامی باشلیغی حرمتلی داکتر ملا عبدالواسع بوگون توشدن سونگ ارگ نینگ سلام خانه قصریده اقتصادنی رواجلنتیریش مقصدیده صنعت سکتوری و اسلام امیرلیگی هماهنگلیک ییغینیده اشتراک قیلیب نطق سوزله دی.
دستلب سیاسی و مردمی ایشلر بوییچه باشلیغی حرمتلی شیخ محمد ذاکری نینگ صحبتلری بیلن باشلندی. او ییغین اشتراکچیلرینی خوش کیلیب سیزلر دیب صنعت نینگ اسلام ده گی اورنی باره سیده صحبت قیلیب صنعتچیلرگه ایتیشیچه، سیز جامعه نینگ ییریک قتلمی، مردم نینگ آرزوسی سیزلرگه باغلیق دیر. سیزلرنینگ برکتینگیز بیلن اولکه ده صنعت رواجلنگن و اسلام امیرلیگی سیزلرگه فخرلنه دی دیمک جرئت و اخلاص بیلن صنعت میدانگه قدم قویینگلر.
کیینچه لیک، افغانستان صناعت و کانلر اتاقی باشلیغی الحاج شیرباز کمین زاده، اسلام امیرلیگی نینگ صنعتکارلرنی حمایت قیلگنیدن تشکرلیک قیلدی و صنعتکارلر مصلحتیده تشویقی پالیسی ترتیب بولسین تاکه صنعت رواجله نیشی اوچون ثمره لی بولسین.
شونینگدیک قندهار صناعت و کاانلر اتاقی باشلیغی حاجی سید سرور امانی، هرات صناعت و کانلر اتاقی باشلیغی حاجی عبدالناصر امین، ننگرهار صناعت و کانلر اتاقی باشلیغی حاجی تورملنگ شگیوال و حاجی میرویس وزیرزی کتوازی مملکت اقتصادی رواجله نیشی همده اولکه پولی واحدی ثباث سقله نیشی اوچون اسلام امیرلیگی نینگ آلیب بارگن تلاشلرینی آلقیشله دیلر.

شونینگدیک اوشبو صحبت قیلگنلرصنعتی شهرچه لرده برق آشیریلیشی، ییر ترقه تیش لایحه سی آسان بولیشی، صنعتی شهرچه لرده لازم آستقورمه لر احداث بولیشی، ایچکی تولیدات کوپراق حمایت قیلینیشی و صنعتکارلر بیلن دایمی جلسه لر اوتکزیلیشی کبی اوز ایستک و پیشنهادلرینی شریک قیلدیلر.
ریاست الوزراء عمومی دفتری باشلیغی حرمتلی داکتر ملا عبدالواسع اشتراکچیلرگه صحبت قیلیب، مملکت ده امنیت تامینله نیشی بیلن سرمایه یاتقیزیش، صنعت و اقتصادی رواجله نیشی اوچون یخشی زمینه یره تیلگن دیر و سونگی تورت ییل ایچیده بو خصوصده یخشی آلغه سیلجیشلر قولگه کیلگن.
اونینگ سوزلریگه کوره، اسلام امیرلیگی تاجرلر، سرمایه یاتقیزوچیلر و صنعتکارلرنی بوتونله ی قوللب قووتله یدی و عالیقدر امیرالمؤمنین حفظه‌الله مملکت نینگ تورلی ولایتلریده صنعتی شهرچه لر اوچون ییرلرنی اختصاصلشتیرگن دیر و بونینگ بیلن هم صنعت رواجلنه دی و مملکت اهالیسیگه ایش فرصتلری ایجاد بوله دی.
حرمتلی داکتر ملا عبدالواسع نینگ صنعتکارلرگه خطاب قیلیب: بیزلر ایشلریمیز و ایستکلریمیزگه شفافیت آلیب کیله یلیک، بیر-بیراویمیزگه ایشانیب همکارلیک قیله میز. سالم رقابت یانیده اوزیمیزنینگ منفعتیمیزنی نظرگه توتیش بیلن باشقه لرنینگ منفعتیگه هم توجه قیلیشمیز ممکن و اخلاص و پاک نیت بیلن ملت، نظام وافغانستان اوچون ایشله یمیز. مملکت اوزینی اوزی حمایت قیله آلیشی و خلقیمیز تیچلیک ده حیات کچیریشی اوچون غیر فعال فابریکه لر قیته دن فعال ایتیلیشیگه تلاش قیلینه دی.
شونینگ دیک اونینگ تاکیدله شیچه، جبری چیقاریلگن و اولکه گه قیتیب کیله دیگنلر ایچیده یخشی قابلیتلر موجود دیر تورلی ساحه لرده اولرگه ایش زمینه سی یره تیلیشی کیره ک. عین حالده او، صنعتکارلر ایستک و قیینچیلیکلرینگیز حل بولیشی اوچون مسووللر و تیگیشلی وزیرلیکلرگه ییتکزیله دی دیب ایشانچ بیردی.#