افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی چین خلقی جمهوریتیگه بولگن سفری جریاینده یون‌نن بیلیم یورتی باشلیغی ما وینگهویی جنابلری، کونمینگ ساینس بیلیملر و تکنالوژی بیلیم یورتی باشلیغی یی جیانگهونگ جنابلری، یون‌نن قومی مطالعات بیلیم یورتی باشلیغی لیو قینگجیانگ، کونمینگ طبی بیلیم یورتی معاونی لی لیهوا جنابلری، اکادیمک شخصیتلر، بیلیم یورت استادلری و بیر قنچه چین و افغان محصللری بیلن اوچره شدی.
اوچره شووده ریاست الوزراء اداری اورین باسرینی یولداش لیک قیلگن هیات حضوریده بولگن اوچره شووده هر ایککی تامان افغانستان و چین بیلیم یورتلر اورته سیده علمی و تحقیقی علاقه لر، سیمینارلر اوتکزیلیشی، علمی، تحقیقی و تکنالوژی تجربه لر المشتیریلیشی، تعلیم همده ساغلیقنی سقلش بوییچه ایککی بیلیم یورت اورته سیده همکارلیک بولیشی باره سیده بحث قیلیندی.
حرمتلی مولوی عبدالسلام حنفی اسلام امیرلیگی هیایتی قیزیق کوتیب آلینگیدن منتدارچیلیک بیلدیریب افغانستان حاضرگی وضعیتی و امنیت تامین له نیشی بوییچه اسلام امیرلیگی نینگ یوتوقلری، تورلی بولیملرده تجارت همده سرمایه یاتقیزیش اوچون یره تیلگن فرصتلر، مخدر ماده نینگ ایکیش، قاچاق، تجارت و استعمال قیلیشی نینگ آلدینی آلیش، اداری فساد یوق ایتلیشی و معتادلر جمع آورلیک بولیشی کبی موضوعلر باره سیده معلومات بیردی.
ریاست الوزراء اداری اورین باسری چین جمهوریت خلقی نینگ علمی و اکادیمک بولیملرده بولگن تجربه لریگه اشاره قیلیب، هر ایکی مملکت تحصیلی نهادلر اورته سیده تورلی بولیملر جمله دن طب، زراعت، مهندسی و تکنالوژی بوییچه علمی و تحقیقی مشارک المشتیریلیشی نی سووره دی.#
