افغانستان اسلام امیرلیگی ریاست الوزراء اداری اداری اورین باسری حرمتلی مولوی عبدالسلام حنفی چین خلقی جمهوریتی گه بولگن رسمی سفری جریانیده، ایریم مملکتلرنینگ یوقاری مرتبه لی نماینده لری حضوریده چین نینگ کونمینگ شهریده (CSA)چین - جنوبی آسیا خلق ارا توقیزینچی کورگزمه سیده اشتراک قیلیب نطق سوزله دی.
ایریم مملکت لر نینگ رسمیلری و نمانیده لر حضوری بولگن مذکور کورگزمه‌ده، ریاست الوزراء اداری اورین باسری چین خلقی جمهوریتی نینگ رسمی چقیریغی همده اسلام امیرلیگی یوقاری مرتبه لی هیاتی قیزیق و صمیمی کوتیب آلینگنی اوچون اولرگه منتدارلیک بیلدیریب، بو کورگزمه ده اشتراکینی و او مملکت رسمیلری بیلن اوچره‌شوولر اوتکزگنینی ایککی مملکت ارا تاریخی و دوستانه علاقه‌لرنی کورسته دی دیدی.
چین – جنوبی آسیا خلق ارا توقیزینچی کورگزمه سی منطقه مملکتلری اورته سیده اقتصادی، فرهنگی و سیاسی همکارلیکلر کینگیشی اوچون مهم بیر فرصت دیگن حرمتلی مولوی عبدالسلام حنفی نینگ سوزلریگه کوره: چین خلقی جمهوریتی دنیانینگ ییریک اقتصادی کوچی صفتیده " بیر بیلباغ و بیر یول" پروژه سی کبی ابتکارلری بیلن منطقه مملکتلری ترقیاتی و رواجله نیشی اوچون ینگی بستر یرتگن دیر.
ریاست الوزراء اداری اورین باسری افغانستان کانلر، انرژی، ترانزیت، تکنالوژی و تجارت بوییچه چین و جنوبی آسیا دولتلری بیلن همکارلیک نی کینگی تیریشگه قیزیقه دی دیب تاکیدله دی و افغانستان اوزی نینگ مخصوص جغرافیایی موقعیت بیلن مرکزی آسیا، جنوبی آسیا و شرقی آسیا اورته سیده علاقه کوپریگی رولینی مهم اوینه یدی دیدی.
حرمتلی مولوی عبدالسلام حنفی اوزی نینگ صحبتلریده عمومی عفو، امنیت تامین ایتیلگنی، مخدر ماده گه قرشی کوره ش، شهیدلر عایله سی حمایت بولگنی، شهیدلر و اوروشلرده اولگنلر یتیم و بیوه لری کفالتی، ییریک ترقیات و آستقورمه پروژه لر یولگه تشلنگنینی اسلام امیرلیگی یوتوقلری جمله سیدن دیب تیلگه آلدی.
شونینگدیک او، افغانستان هیچ بیر کیشی و گروه گه توپراغیدن باشقه لرنینگ امنیتی برابریده فایده له نیشی اوچون رخصت بیرمه یدی و اسلام امیرلیگی هیچ کیم نینگ ایچکی ایشلریگه اره لشمه یدی و باشقه مملکتلردن هم افغانستان ایچکی ایشلریگه اره لشمسلیگینی سوره دی.
یکونده ریاست الوزراء اداری اورین باسری چین – جنوبی آسیا کورگزمه سی تجارتی مبادتلات کینگشی دنیا و منطقه‌یی باغله نیش تقویت و کوچه‌یشیگه اونیملی بولیشی اوچون امید قیلدی.#
