افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر بوگون اوز ایش دفتریده افغان انویست خصوصي شرکتی مسووللری بیلن اوچره‌شدی.
اوچره‌شوو چاغیده افغان انویست شرکتی وکیللری ریاست الوزراء نینگ اقتصادي اورین باسریگه شبرغان - دشتی الوان اورته‌سیده ۵۰۰ کیلو ولت برق اوزه‌تیش ترماغی لایحه‌سی، دشتی الوان سب استیشن نینگ رواجلنتیریش ایشلری و شونینگدیک، غور ولایتی نینگ تولک تومنیده‌گی قورغاشین و سینک کانلری بوییچه آلیب باریله‌یاتگن ایشلر حقیده معلومات بیردیلر.
اولر نینگ ایتیشیچه، شبرغان - دشتی الوان برق اوزه‌تیش لایحه‌سی یخشی دوام ایتماقده و حاضرده ایشلر نینگ ۸۵ فایزی بجریلگن. لایحه بیلگیلنگن مدتده یکونلنه‌دی. دشتی الوان سب استیشن نینگ تخنیکي تدقیقاتلری توگللنگن و یقین کونلرده قوریلیش ایشلری هم باشلنه‌دی.
شرکت وکیللری شونینگدیک، غور ولایتی نینگ تولک تومنیده‌گی قورغاشین و جست کانلری بوییچه تدقیقاتلر یکونلنگنینی، حاضر ایسه دستلبکی فابریکه ایشلری آلیب باریله‌یاتگنینی معلوم قیلیشدی. اوشبو ایشلرده ۲۰۰ دن آرتیق محلي فقرالر ایش بیلن تأمینلنگن.
اولر نینگ تأکیدلشیچه، اوشبو کانلر ایچکی بازارده قَیته ایشلنیشی اوچون زمانوي فابریکه لایحه‌سی هم ایشلب چیقیلماقده. لایحه توگللنگچ، فابریکه قوریلیشی باشلنه‌دی.
اوچره‌شووده شرکت وکیللری بیر قطار معمالرنی هم اورتاقلشدیلر.
ریاست الوزراء نینگ اقتصادي اورین باسری عملگه آشیریلگن ایشلردن ممنونلیگینی بیلدیردی و بیلدیریلگن برچه معمالرنی حل ایتیشگه وعده بیردی.#
