افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ بدخشان ولایتی اورین باسری حرمتلی قاری محمد امین طیب بیلن اوچره‌شدی.
بو اوچره‌شووده بیرینچیدن حرمتلی قاری محمد امین طیب بدخشان ولایتیده‌گی حکومتدارلیک، بو ولایت اقتصادی، اجتماعی و امنیتی وضعیتی باره سیده ریاست الوزراء اداری اورین باسریگه معلومات بیردی.
بدخشان والیسی اورین باسری بو ولایت ده اسلام امیرلیگی نینگ مجاهد همده مسووللری هر دایم مردم نینگ خدمتیده بولیب اهالی امنیتی و آسایشته لیگی تامینله‌نیشی اوچون تلاش قیله دیلر دیدی.
شونینگدیک او، بدخشان ولایتی اهالیسی قتناو یوللری، ترقیات ایشلر و ایش جایلری یره تیلیشی کبی موضوعلرده گی ایستکلرینی تیلگه آلیب بو باره ده اسلام امیرلیگی مسووللری توجه‌سینی ایسته‌دی.
سونگره ریاست الوزراء اداری اورین باسری حرمتلی مولوی عبدالسلام حنفی بدخشان ولایتی اورین باسرینی خوش کیلیب سیز دیب، امنیت تامینله‌نیشی، تینچلیک و مردم گه رفاه و آسایشته‌لیک یره تیش اسلام امیرلیگی وظیفه لریدن دیب، مسووللر بو یونلشیده بار کوچلرینی ایشگه سالیش ده تلاش قیلیشلری کیره‌ک دیدی.
ریاست الوزراء اداری اورین باسری حرمتلی قاری دین محمد تامانیدن تیلگه آلینگن موضوعلر حقیده ایتیشیچه، اسلام امیرلیگی نینگ تیگیشلی مسووللری قولده گی امکانیت بسلت بو خصوصده لازم چاره تدبیر کوره دیلر دیدی.#
